عايش بحالات
أوقات بفرح
وكتير بحزن
وأسهر أفكر
عمرى بيكبر
عادى بكبر
برجع واتحسر
على اللى فات
..
على طول فاكر دايما ربى
لكنى هقابله بمليون ذنب
برسم أحلامى أنا من صغرى
وعمرى ف يوم ما بذلت الجهد
وسطيكم بضحك وبغنى
ضحكتى كدابة ومش م القلب
ولوحدى دموعى نازله بتجرى
جوايا اتنين بيحاربوا ف بعض
..
نص العالم شافوا فيه الحب
والنص التانى بيكرهنى
هما الاتنين شافوا نص الطبع
وماحدش ف الدنيا فاهمنى
وحياتى شجرة بتطرح ورد
وماشفتش يوم حلو ف عمرى
وبين دا ودا أهى دايره الحرب
عايش بحالات ومريض نفسي
