قال الشاعر عنتر هلال، "مبسوط جدا لحضورى فى ماسبيرو بعد التطوير والذى كتب أغنية كماننا، أنا بدأت بأغنية قربى وبحبك لا واشتغلت مع سيمون وعزت أبو عوف في فرقة 4m .
وأضاف، خلال لقائه بالإعلامية ناردين جبر ببرنامج التاسعة المذاع على القناة الأولى فى التليفزيون المصرى: وحسام حسنى هو السبب في جوازى لأنه ماكانش بيشترى أغانى غير منى وكنت بكتبله بالعشم لأننا كنا ساكنين مع بعض أيام العزوبية.
وتابع: لما تحب تكتب لمطرب لازم تعيش معاه شوية وتشوفه علشان تكتب حاجة تليق عليه، وعملنا دويتو مع محمد محيى وعملتله شغل كثير جدا، وبدأنا التجربة، محيى مطرب وأنا مؤلف وحسنى بيوزع، والشريط نزل بالصدفة فى كأس العالم، وبعد انتهاء كأس العالم الناس لقيت الأغانى ظاهرة غير مألوفة والناس بتحب الغريب.
وأكمل: أنا مش عاوز أقول إنى اتظلمت فى أغنية كماننا، أنا عامل أغنية ياليل وأغانى محيى كلها وأغانى لسيمون وعملت إعلانات كثيرة جدا لأنهم مش بيحطوا اسمنا وبيحطوا اسم الوكالة، وكنت عامل أغنية بابا أوبح، وده شغل إعلانات، فى الوقت الحالى حصلت انتكاسة فى الكلمات، كلنا فاكرين الأغانى اللى الكلمات بتاعتها ليها معنى، وحاليا كتروا اللى ماسكين كشاكيل وبيكتبوا.
تم أضافة تعليقك سوف يظهر بعد المراجعة