قالت آية سويلم، بطلة العالم وأفريقيا في القوة البدنية: "أي بنت لابد أن يكون لها كيان وفى رجالة كتير تفرض أن الست لا تعمل وخصوصا فى موضوع الرياضة، ولابد أن يغير تفكيره فى هذا الأمر".
وأضافت خلال لقائها مع الإعلامية ناردين فرج التى تقدم برنامج "التاسعة"، على القناة الأولى بالتليفزيون المصرى: "أغلب الانتقادات كانت من العائلة، وليست من بابا وماما أنا لعبت كل الألعاب، ولما وصلت سن 14 سنة اتصاحبت مع واحدة بتلعب رفع أثقال، ودخلت معاها مرة وجربت.. وبعد كده عملنا اختبارات الموضوع مجاش مرة واحدة.. وأول بطولة أدخلها جبت فيها رابع جمهورية"، متابعة: "أمى أول واحدة أقنعتنى وكانت بتمشى ورايا في كل بطولة ومن غيرها مكنتش هوصل للى أنا فيه وهى بتسافر معايا كل البطولات داخل مصر وخارجها، آخر بطولة أخدت أول عرب الأسبوع اللى فات، وكسرت الأرقام العالمية في 2019 في فلندا".
وأكملت: "أنا في 3 ثانوى عام عندى 18 سنة حاليا، أنا بجهز لدولى وبعمل نظام وقت للتمرين ووقت للمذاكرة ووقت للنوم، بخلص دروسى على 9 بالليل وأسهر في التمرين واروح أذاكر وأنام، البنت لازم تبقى حاجة ومش هوافق على حد إلا إذا كان معجب بيا ويشجعنى إنى أكمل".
تم أضافة تعليقك سوف يظهر بعد المراجعة