أوضحت الفنانة داليا البحيري لـ"اليوم السابع" أن هناك بعض التفسيرات الخاطئة للمنشور الذى نشرته عبر حسابها الشخصى بموقع "فيس بوك" والذى تهاجم فيه المواطنين غير الملتزمين بقرارات الدولة والإجراءات الوقائية لمنع انتشار فيروس كورونا، وينزلون للفسحة والتنزه في الوقت الذى التزمت دالياً بالتواجد في منزلها لمدة تزيد عن شهر للوقاية من انتشار الفيروس.
وأشارت داليا إلى أنها غضبت بشدة من المواطنين الذين ينزلوا من بيوتهم من أجل الفسحة والتسوق سواء بالمولات أو في العتبة وغيرها وليس لأكل عيشهم وقالت:"لا يصح أنى وغيرى نتحبس في بيوتنا علشان في ناس تانية مش ملتزمة تصعب الأمور وتجعلنا نبقى فترة أكثر في المنازل دون أي إحساس بالمسؤولية، ولو كل أناس الملتزمة اللى قاعدين في بيوتهم من شهر وأكثر لا قدر الله تعب وملقاش سرير في مستشفى بسبب الناس غير الملتزمين إيه الى هيحصل!..ودا ميرضيش ربنا".
![داليا البحيرى داليا البحيرى](https://img.youm7.com/ArticleImgs/2020/4/14/38939-داليا-البحيرى.jpg)
داليا البحيرى
وتابعت داليا:"لازم يكون في إجراءات رادعة والناس تبقى عندها دم، وأنا هنا مش بتكلم على الناس اللي نازلة ورا أكل عيشها، أنا بقول اللى بيتفسحوا وكمان مش ملتزمين بأي إجراءات وقائيه لا حد لابس كمامة ومتجمعين قريبين من بعض، وعلى فكرة اللى بيحصل ده يضر العمالة اليومية أكثر واللى انا شاركت فى الدعم لهم من شهر، وفى هذه مفروض على الشركات أن توفر للعمالة الخاصة بها أماكن تعيش فيها".
كتبت داليا البحيرى على فيس بوك" صباح اليوم : "مبقاش أنا محبوسة في البيت أنا وأهلي داخلين على 36 يوما وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد "حيوان" كان مقضيها خروج بيتفسح ولا كان على باله اللي احنا فيه" وطالبت البحيري بالحظر الكامل.
وقالت لحد دلوقتي ماشين بستر ربنا ومجهودات الدولة العظيمة اللي اتعملت في الأول، بس والله العظيم ده شعب ملوش كتالوج ده لازم يتربط في رجل السرير مش يتحبس بس".
![داليا البحيرى على فيس بوك داليا البحيرى على فيس بوك](https://img.youm7.com/ArticleImgs/2020/4/14/41690-داليا-البحيرى-على-فيس-بوك.jpg)
داليا البحيرى على فيس بوك
عدد الردود 0
بواسطة:
صفا
كلام جميل
والله عندك حق وكل كلمه قلتيها صح
عدد الردود 0
بواسطة:
دينا
عندها حق
نحتاج قوانين تنظم سلوكياتنا وتعاقب الغير ملتزمين مثلما يحدث فى دول اخرى
عدد الردود 0
بواسطة:
محمد نزيه
اسلوب غير لائق
يعني ايه محدش يكلمك عن العمالة اليومية .. ويعني ايه الجمعيات بتشحت عليهم .. ده اسوب واحده فنانه وحصلت على مس ايجيبت ؟ ميحسش بالناس غير اللي منهم .. وانتي واللي زيك عايشين في كوكب تاني