حرص النجم حكيم، على تهنئه جمهوره بمناسبة أعياد الربيع و رمضان، موجها لهم رسالة بضرورة الالتزام بالجلوس في المنزل و عدم الخروج منه وعدم تعريض حياتهم للخطر.
وقال حكيم، "كل سنة وانت طيبين بمناسبة أعياد الربيع و رمضان، ويارب كل أيامنا كلها أعياد ومناسبات حلوة و نلتزم و نعقد في البيت عشان المحنه اللى فيها العالم كله مش إحنا بس، يارب يعديها على خير تفاءلوا بالخير تجدوه متفائل أن المحنه هتعدى بسلام إن شاء الله وربنا هيسترها علينا".
وتابع حكيم بعد حفله بدون جمهور بمناسبة شم النسيم، قائلا" شايف الجمهور بقلبى و فرحان إن كل مصر بتتفرج عليها و قادر أوصلهم إبتسامة و فرحة ووقت سعيد في الوقت اللى إحنا ملتزمين و قاعدين في البيوت، ده حكم علينا كلنا نلتزم البيت والشعب المصرى قد المسئولية ولما بيحس بالخطورة و القلق تلقيه تتكاتف والتزم و حس بالواجب عليه ولازم نقف جنب البلد ونحلى بالنا لأن ده حاجه أقوى مننا و القعدة في البيت أحسن من القعدة في المستشفى".
وتألق الفنان حكيم فى حفل شم النسيم الذى أذاعته قنوات " ON،dmc"، أمس الاثنين من إحدى الأماكن المطلة على النيل، وحرص فى بداية الحفل على تهنئة المصريين بالأعياد والتى تأتى متزامنة هذا العام شهر رمضان، وعيد القيامة، متمنيا دوام الأمن والسلام والمحبة لشعبنا الأصيل وكل شعوب الدول العربية والعالم، وحثهم إلى ضرورة الالتزام بالبقاء فى المنازل.
ووعد حكيم الجمهور بمزيد من المفاجآت الفنية خلال الفترة القادمة لأنهم أغلى ما يملك، وقدم مجموعة من أجمل أغنياته ومنها أغنية "رمضان كريم" التى أصبحت الأغنية الأكثر انتشارا منذ طرحها قبل ثلاث سنوات ويرددها كل فئات الشعب بمناسبة قدوم شهر رمضان الكريم، وقدمها لأول مرة أمام الكاميرات، وأغنيات ألبومه الجديد "الراجل الصح، قلبى يا ناس، سيبونا فى حالنا، ليلة بمبى، الجارسون، رقصونى، آه بحبه، الموضة السنة دى، الصعيدى يا دولة".
