اضطرتهم جائحة كورونا العالمية، لإلغاء حفلاتهم، إلا أنهم لم ينسوا كونهم فنانين، وكيف ينسون والموسيقى تسرى في عروقهم سريان الدم؟ فقرروا في لحظة من لحظات تحدثهم سويًا باستخدام الـ Video conference نشر البهجة والأمل بين الناس على نغمات أصواتهم، وتهنئة الشعب الإسلامي بقدوم شهر رمضان الكريم بطريقتهم الخاصة.
جمعتهم صداقة منذ ما قرب من 13 عام مارسوا خلالها الغناء في إحدى الفرق الفنية معًا، إلا أنه رغم ذلك لم تجمعهم أغنية أو فيديو معًا من قبل، حتى قرروا تصوير فيديو "رمضان جانا" بطريقتهم وتقديمه للجمهور، إنهم المطربة مروة أبو زيد، ومديعة الراديو والمطربة والممثلة زهرة رامي، وأخير المطرب والملحن محمد خلف.
مروة وخلف وزهرة
تقول المطربة مروة أبو زيد لـ "اليوم السابع": "إحنا قررنا نتجمع كلنا ونرجع عشرة العمر ولأول مرة نجتمع سوا إحنا التلاتة مع بعض في أغنية واحدة ودا كان حاجة جديدة ومميزة رغم اننا اصحاب جدا، وبالفعل عملنا الأغنية بشكل جديد."
وتضيف: "كان هاممنا ندي طاقة إيجابية لنفسنا وللناس، لأن كلنا قاعدين في البيت ومفيش حفلات، وهدفنا الأساسي هو إننا نطمن نفسنا ونطمن بعض ونعمل حاجة تدي الناس طاقة إيجابية وهم بيتفرجوا علينا، ورغم إن كل واحد فينا متصور لوحده، إلا إن إحنا التلاتة طلعنا بنضحك ومبسوطين من غير ما نتفق."
مروة أبو زيد
وعن قصة فيديو رمضان جانا بالتوزيع الجديد قالت إنهم كانوا يفكروا جميعًا إن يقوم كل منا بنشر فيديو خاص به يغني فيه أغنية منفصلة للشهر الفضيل، ولكن خلال إحدى مكالماتهم الفيديو اقترحت زهرة رامي أن يغنوا سويًا أغنية رمضان جانا بخطوط ونغمات مختلفة، وتحمس الجميع للفكرة، ومن هنا كانت البداية.
قرر الأصدقاء تسجيل الأغنية بالفعل بأصواتهم بألوان مختلفة، وبالفعل بدأوا التجهيز للفكرة، وتولى المطرب والملحن محمد خلف فكرة تسجيل الأغنية وهو صاحب الفضل فى ظهورها فى شكلها النهائى، وأكثر الصعوبات التي واجهتهم كانت هي التجمع في الاستوديو لتسجيل الأغنية، وعن ذلك قالت مروة، اتجمعنا أنا وزهرة وخلف بس ما سلمناش على بعض زي ما متعودين وسجلنا في مكان واسع عشان الاحتياطات برده."
زهرة رامي
وكنت مهمة تجهيز الفيديو من نصيب زهرة رامي، التي عاونها صديقهم عازف الدرامز محمد الفخراني الذي يمتلك خلفية عن المونتاج تطوعًا وحبًا منه للفكرة، وبالفعل تعبا سويًا حتى يخرج في النهاية.
وتحدثت مرة علن الفيديو بعد انتهائه قائلة: "أول ما شوفنا الفيديو كنا كل شوية نتفرج عليه وحاسين براحة وإنبساط وإحنا بنشوفه، ولقينا الناس كلها حاسة نفس اللي حسيناه ودي حاجة فرحتنا جدًا، وفيه ناس كتبت إحنا أول مرة نضحك ونفرح وحسينا إن ابتسامتكم وصلتلنا."
محمد خلف
وأضافت: "ده غير إن فيه موسيقيين كتير جدًا كتبولنا إنهم عاجبهم الهارمون، أهمهم كان الدكتور أحمد طارق وهو عازف موسيقى مع أكبر النجوم اللي لما سمع التراك عجبه جدًا وحط عليه تراك مزيكا ونزله على صفحته من كتر ما عجبه."
واختتمت حديثها لنا قائلة:" الحظر رغم إنه أكيد ليه عيوب، بس ليه مميزات، كفاية إنه خلى محدش فينا عنده ضغط شغل وبالتالي الموضوع دا ساعدنا كتير، كما بطلنا نجري على الشغل والالتزامات، وقعدنا نعمل خطط لنفسنا، عشان مش المفروض الواحد يوقف حياته أو حلمه أو يحس إن الدنيا خلصت، وأهم حاجة كنا بنفكر فيها هي إننا نحاول نقول للناس طمنوا بعض وطمنوا أصحابكم والناس اللي بتحبوهم في الظروف الصعبة دي."
