المسحراتي
ما بين رحاب الأوليا
والتُوبه والغُفران
ألفين صلاةُ على النبي
مرحب هلال رمضان
:::
تعالى يا شهر يا غالي
نهّني الدُنيا بقدُومك
ونتوّنس بنور الله
نصلي وندعي ونصومك
نعيش اللمه ف رحابك ، واحبابك يا شهر الصوم
تنّسينا الزعل بينا ، وخلافتنا من أول يوم
:::
وصوت المدنا مع رفعت
يدّوبنا يدُوب فينا
ونعزم حّنا ف بيوتنا
ونفطر بُكره مع مينا
وملايكه تدور ، وسحور وفطور ، ثلاثين آيه
ورضا وتسابيح ، وصلاة تراويح ، وزينة رمضان أغلى حكايه
:::
يا مسّحّراتي قُول وسمعنا
طبل وحكاوي . ذكره ليها معني
إصحي يا نايم .. قوم صلي وصوم
.. دول تلاتين يوم وّحد الدايم
لمة فطار ، وصيام نهار
صوت الادان ، وحاجات كُتار
غيرك مفيش ، تلقى الياميش
تلقى الفانوس ، فوق الببان
زي الشموع الزعفران
وملايكه تدور ، وسحور وفطور ، نور بيلالي
وحوي يا وحوي يا شهر يا غااالي
وحوي يا وحوي يا شهر يا غااالي
:::
يا شهر غالي بذكريات ، كُل اللي فات
لمة ابونا واُمنا ، هنا وسطنا
ساعة الأدان ، وحاجات كتير ، كدا كُلها راحه وأمان
وهاقول كمان ، وكمان كمان
وحوي يا وحوي
اهلاً رمضان
وكمان وحوي
أهلاً رمضان
:::
رمضان كريم اللهُ أكبر
على عشق ساكن ف الضلوع
وفجر زحمه من الزحمه
وركعتين ويّا الخُشوع
يا عاشقين الطاعه
تعيش الطاعه ف وشوشكم
يبّلغكم ليالي الخير ، وليلة القدر يُرزُقكم
تلاتين يوم عيد
كدا قبل العيد
وملايكه تدور ، وسحور وفُطور ، نور بيلالي
ورضا وتسابيح ، وصلاة تراويح ، مرحب رمضان ،وحوي يا غالي
وحوي يا غالي
تم أضافة تعليقك سوف يظهر بعد المراجعة