علق المصريون العائدون من ليبيا بعد تحريرهم من الاختطاف، في تقرير أذاعه برنامج التاسعة المذاع على القناة الأولى بالتليفزيون المصرى والذين أطلقوا هتافات تحيا مصر تحيا مصر,
قال محمود حامد طنطاوى الحمد لله حسيت براحة كبيرة أول ما وصلت وكنت عارف إن مصر قدها ومش هتسيبنا وليبيا دى مش هرجعلها تانى إلا من خلال الحكومة المصرية.
وقال محمود أنا عامل بناء احنا غلطنا لما سافرنا وإن شاء الله لن تتكرر.
وقال على محمد: أنا مبسوط جدا من الحكومة المصرية والقيادات المصرية من اللى حصل وعملوه معانا وبقول لكل واحد بيفكر يسافر مصر أولى بيكم أنا بقالى سنتين هناك وعمرى ما تعرضت لموقف زي كده في مصر ونحن نشكر القيادات ونأسف على ما حدث .
وعلق سيد صلاح محمد بقالى سنة في ليبيا والحمد لله طول ما وارنا جيش قوى والرئيس عبد الفتاح السيسي رجعنا ومش هيسيبونا وبوجه رسالة للشباب المصرى ما تبصش للفلوس أهم حاجة كرامتك مصر حافظت على كرامتنا ومش هنكرر الغلطة دى تانى وكنا مرعوبين حتى وصلنا ليد الجيش الليبى وربنا عالم بالرعب اللى عشناه، أنا كنت حاسس انى هموت في أي لحظة وأنا واقف وأنا أشكر الرئيس لجهوده وإعادتنا للوطن وتحيا مصر .
وقال كساب سباعى عبد الوهاب أنا بشكر القيادات المصرية وكنت واثق إننا هنرجع بعد نشر الفيديو وأنصح أي حد إنه ما يسافرش برة مصر تانى بعد ما عانيناه حتى خرجنا من الغرب الليبى لم نكن على ثقة أننا سنرجع وإن شاء الله مش هنسافر تانى.
