عمرو أديب يكشف تفاصيل أول رحلة جوية له بعد كورونا: محستش بمتعة السفر بتاعت زمان

كشفت الإعلامي عمرو أديب عن تفاصيل تجربته في السفر إلى دبي خلال الأيام القليلة الماضية، في محاولة منه للتعايش مع فيروس كورونا المستجد، وقال: "بصراحة أنا جربت الموضوع بس حسيت أنه مقلق للغاية، رغم الاستعدادات الكبيرة اللي وخداها المطارات المصرية، بس الواحد كان قلقان لأني كنت حاسس أن فيه اختلاط، وكمان القلق زاد داخل الطيارة لأن الواحد كان خايف لحد يعطس أو حاجة".

وأضاف الإعلامي عمرو أديب، خلال برنامج "الحكاية" الذي يذاع على قناة mbc مصر: "المطار برة في دبي بيحطوا شرط أنك تجيب معاك تحليل الـpcr، وبعد ما توصل يسلموا عليك ويستقبلوك وبعدها يعملولك pcr تاني، وبينزلولك أبلكيشن عشان يعرفوك نتيجة التحليل، وتاني يوم يكلموك أو يبعتولك يقولولك نتيجة المسحة سالبة وأهلا بيك في دبي تقدر تستمتع، بس طبعا مع إجراءات احترازية مشددة".

وتابع عمرو أديب: "عاوز أقولكم متعة السفر ليست كما كانت في السابق، الواحد حاسس أن ممكن يجيله كورونا من أي ناحية، حدوتة مش مريحة، وأنا رجعت الفجر على طول بس كنت مقلق الحقيقة جدا خصوصا أن في ناس كانت بتجي تتصور وإحنا مبنحرجش حد".

وقال: "في انخفاض في أعداد الإصابات عندنا وفي انخفاض برضه في حالات الوفيات، أتمنى للمرة الألف أننا مننخدعش بالأرقام ونستمر في إجراءاتنا الاحترازية".