قالت الفنانة نبيلة عبيد إن إحسان عبد القدوس هو عقل السينما، وله تأثير كبير على العديد من الفنانات والفنانين الكبار، وكل أعماله تظهر فيها النساء بشكل مختلف، حيث تظهر البطلة بشكل مستمر فى أعماله الفتاة المثقفة التى تتمرد على الواقع إذا لم يتناسب مع حياتها، مشيرة إلى أنه أظهرها بهذا الشكل في فيلمي الراقصة والطبال والراقصة والسياسي.
وأضافت نبيلة عبيد، خلال مداخلة هاتفية مع الإعلامية لميس الحديدي ببرنامج "القاهرة الآن" الذى يذاع على قناة الحدث الإخبارية: "أنا عملت أكثر من 86 فيلم، اشتغلت مع كل المخرجين الكبار، كنت بلف وبعدها برجع لإحسان عبد القدوس، وهو كان بيرشحلي الرويات اللي اشتغلها، كان له تأثير كبير جدا عليا، لما كان بيتعرض عليا شغل مع ناس تانية كنت بوافق، ولما كان هو بيعرض عليا بعدها كنت بسيب كل حاجة عشان اشتغل معاه".
وقالت: "كان في موضوعات معينة كنت بمسك فيها بإيدي وأسناني، لما طلع عليا نجمة مصر الأولى كنت خايفة من انتقاضات الناس وقتها، لكن كانت أفلامي بتجيب فلوس وإيرادات كبيرة، وأنا سعيدة بتجربتي في المسلسل الأخير في رمضان سكر زيادة، أنا ونادية الجندي ونبيلة عبيد وعلى فكرة المسلسل له جزء تاني استنوه".
