علق الإعلامي عمرو أديب، على إقامة صلاة الجمعة فى معلم آيا صوفيا، قائلا: "أنا مش عارف هما كدة قدموا إيه للإسلام، وإمام المسجد طالع بسيف على المنبر، إيه الرسالة اللي بيحاول يوصلها، هل ده الإسلام اللي ربنا ورسوله قالوا عليه؟، معتقدش أبدا، وتميم كان معزوم على الموضوع ده بس مراحش متعرفش كان وراه إيه بقى، أنا عاوز أعرف واحد زي أردوغان بيصلي ويركع وإيده فيها دم الأبرياء في الوطن العربي ليبيا وسوريا والعراق".
وأضاف عمرو أديب، خلال برنامج الحكاية الذي يذاع على قناة mbc مصر: "الجزيرة غطت الموضوع أكتر من القنوات التركية نفسها، يعني قنوات أروغان نفسها اللي بتطبل ليل ونهار معملتش اللي عملته الجزيرة، عشان هما تابعين، إحنا عاوزين نعرف فين الغنوشي وتميم، المفروض البني آدم ده أول ما يقول يا إخوان تجيلوا كل العمم، المربعة والمدورة والمستطيلة".
وقال عمرو أديب: "الكلام كان بيدور قبلها أن في مئات الآلاف هيروحو يصلوا، ولا شوفنا منهم حاجة أعداد عادية رايحة تصلي، المهم أن البكاء اللي كان في الجزيرة انهاردة كانت على أن أردوغان بيقرأ القرآن، يا جدعان احنا مصر كلها عندنا بتقرأ القرأن، مفيش حد عندنا مبيعرفش يقرأ القرأن بأحكامه والتجويد".
