مشاركة
ماتعودنيش على وصلك
وكل ساعة أنتظرك كأنه العيد
ألَبس الشجر توبه
وعطر السما الزرقا بعطر جديد
وعلق فل على قلبى
وأزين بالى يا غالى بدون مواعيد
واحلم بيك وانا صاحى
كأنك جى تحاكينى واقولك زيد
يا نسمه تطل على قلبى
ما تعودنيش على وصلك فى احلامى
مادام ناوى تروح لبعيد
كفايه عليه انا دايبه من التنهيد
وروحى منى مسحوبه
وحاسه انى مغلوبه من الوحده و م التسهيد
ماتعودنيش على الأحلام
ما انا صاحيه واحلامى يادوب تغميض
مشاركة
