حرصت النجمة شيرين عبد الوهاب على التعليق على قضايا التحرش من خلال توجيه رسالة إلى الآباء والأمهات من خلال حسابها الرسمى على موقع تويتر عبر تدوينة قالت فيها: "كلنا دورنا إننا نحمى بناتنا وولادنا من التحرش والاغتصاب.. كلموهم.. اهتموا بيهم.. متخليش ابنك وبنتك يخاف يلجأ ليك فى أى موقف.. كونوا سندهم.. ربنا يحفظ ولادنا وبناتنا كلهم".
كلنا دورنا إننا نحمي بناتنا وولادنا من التحرش والاغتصاب. كلموهم. اهتموا بيهم. متخليش ابنك وبنتك يخاف يلجأ ليك في أي موقف. كونوا سندهم. ربنا يحفظ ولادنا وبناتنا كلهم.
— Sherine Abdel-Wahab (@sherine) July 4, 2020
على جانب آخر سبق وأعربت الفنانة شيرين عبد الوهاب عن استعدادها للتعاون مع الملحن محمود الخيامي خلال الفترة المقبلة، وذلك بعدما أكد الأخير تضامنه ودعمه لها.
وقال الملحن محمود الخيامي عبر حسابه الرسمي على موقع التواصل الاجتماعي "تويتر": "كنت بتفرج على برنامج تخاريف للصديقة وفاء الكيلاني وكانت مستضيفة الغالية شيرين عبد الوهاب.. كانت بتسألها وفاء مين من الملحنين تاخديه معاكي في الميكروباص وقالت مش حاسة إن فيه ملحن واخد شيرين هدف وبيشتغل ومركز عشانها!.. أنا مش معاكي يا شيري.. انتي بس تشاوري وأول الناس الخيامي".
وأضاف: "شيرين أخت وصديقة من عمر وأنا زي ما قولت وبقول إني جاهز ومستنى التعاون ده وإن شاء الله هيكون فيه نجاح كبير بدون شك.. وكفاية دعمكم بعد رب العالمين.. إن شاء الله نتجمع قريب وننتج اللي يسعدكم ويفرحكم".
فيما ردت عليه الفنانة شيرين عبد الوهاب قائلة:"خيامي ربنا يخليك إنت فعلاً أخ.. يمكن لسه ماحصلش نصيب نشتغل مع بعض، بس إن شاء الله نعمل حاجة مع بعض قريب".
