تتجوز الأجنبية ولا المصرية.. البنات: الرجالة عايزة تاكل آيس كريم بالعيش

ليس هناك مجال للمقارنة بين المرأة المصرية والأجنية، حيث تختلف العادات والتقاليد وأسلوب الحياة مما يجعل التفضيل بينهم أمرا صعبا، فما تختاره القلوب والعقول لا يخضع للمقاييس العقلية، وقد تفاعل رواد مواقع التواصل الاجتماعى مع تريند "تتجوز الاجنبيه ولا المصريه " ونشروا الإفيهات الساخرة والاستعانة بلقطات الكوميكس من الأفلام، فبدأ الشباب بالسخرية من التريند بطريقة كوميدية وقابلت أيضا الست المصرية التريند بالسخرية من الرجل وطريقة تفكيره.

 

 

 

ويرى حسن، أن المرأة المصرية أجدع وأجمل نساء العالم :" هو فى أجمل من المصرية ولا أجدع من المصرية وخفة دم المصرية ودلع المصرية وعظمة المصرية وصبر وقوة تحمل المصرية وشقاوة وحنية المصرية أعظم سيدات العالم هى المصرية ".

وكتبت هدى، رأيها في المقارنة بينهم، حيث ترى أن طلبات النساء يمكن إيجادها عن الرجال، حيث قالت:" أي راجل في الكون هيكون عايز الاتنين ..البنات طلبتها واقعيه يعني عايزة طيار وحلو وغني وفرفوش وحمش دي كلها مقدور عليها بس الراجل عايز الحاجه وعكسها يعني محجبه ومؤدبه بس صايعه معاه ست بيت شاطرة وتخلف 7مرات بس تبقي في رشاقه ياسمين صبري طلباتهم متناقضة".

وهاجمت إسراء:" مش محتاجه سؤال يعنى لما تبقى انت اجنبي وبتتصرف ببرستيچ وثقافه وسلوك الاجانب ..ابقا دور على الأجنبية مش تبقا فلاح وعايز تاكل الايس كريم بالعيش"وغرد أخر :" طبعا أجمل بنات علي كوكب الأرض اسمعلاويه اسكندرانيه صعيديه".