الفراق - صورة أرشيفية
مشاركة
حبك عندى بقى شيء عادي
بقى فعل قديم وماضي
كان زمان يهز فؤادي
دلوقتى بقى لونه رمادي
وبقيت لوحدك فى وادي
وأنا لوحدى ف وادي
بقى مش فارق
حتى تقرب ولا تفارق
أنت أصلك كنت مفارق
وبكفايتك من العمر سارق
تبقى قريب تبقى بعيد
ولا ف وجودك بعيش سعيد
كان زمان قربك عيد
وكل شيء حواليه جديد
دلوقتى بقيت صفر الرصيد
وانت معايا عايش وحيد
جرب تعيش وحدك
اكيد هعيش من بعدك
يمكن ارتاح فى بعدك
ولا يوم ندم على بعدك
اقولك يله سكة السلامة
ولا حسرة ولا ندامة
عشت ف دوامة
مع لا قيمة ولا قامة
مشاركة
تم أضافة تعليقك سوف يظهر بعد المراجعة