انتشر في الساعات الأخيرة على مواقع التواصل الاجتماعى، فيديو لتقديم أحد الأشخاص طعام "لكلب ضال، فى رأس البر"، بينما تحاول إحدى السيدات منعه من تقديم الطعام للكلب بزعم أنه "مسمم"، ولم تفلح كافة محاولاتها لمنع هذا الشخص من تقديم الطعام للكلب، حيث نشرت إحدى السيدات الواقعة عبر حسابها على فيس بوك، وعلقت "بيسممو الكلاب في رأس البر في المستشارين.. الحقوهم انزلوا امنعوهم"
وتابعت السيدة التي نشرت الفيديو عبر حسابها، "تعديل: مش أنا اللى فى الفيديو دي صديقتى وانا بعيد عنها.. مش هلحق اروح ليها.. أقسم بالله لو كنت موجوده كنت هأكله من الأكل ده أقسم بالله".
الشخص الذى وضع الطعام للكلب
الشخص صاحب الواقعة
وانهالت عشرات التعليقات الغاضبة عبر حساب السيدة، الذين يطالبون بمحاسبة هذا الشخص الذى سمم الكلب الضال، فيما أوضحت السيدة التي نشرت الفيديو، أن صديقتها حاولت مرة واثنين ان تمنع تسميم الكلب ولكنها فشلت في النهاية ليموت الكلب عقب تسميمه بلحظات.
الكلب الضال
جانب من الواقعة
بينما روى أحد المتابعين للواقعة قائلا: "مفيش حد يتسرع في الحكم على حد من غير ما يعرف الحقيقة.. أولا اللي صور الفيديو اعترضوا اللى مسمى نفسه دكتور يعمل فى المحافظة ومهندسة فى المجلس وسيتم اتخاذ كافة الإجراءات القانونية ضدهم بصفتهم.. الناس اللي صورت الفيديو من كتر البكاء على الكلبة المشار إليها في الفيديو كانوا نفسهم هيموتوا... الناس اللى صورت الفيديو منعوا الأكل المسموم عن الكلبة واعترضوا الدكتور مرة واتنين.. أنا كنت متابع وكنت على اتصال مباشر معاهم من البداية ولما وصلت لموقع الكلبة للأسف كانت ماتت وحفرنا للكلبة ودفناها.
وظهرت اعراض السم في كلب من اطيب واحن الكلاب الموجودة في الشارع ويدعي زيكو ولله الحمد ده لحقته بعقار الفحم وبيض ولبن.. وفضلنا جانبه لغاية الفجر وبفضل الله .. اتكتبله عمر جديد".
وتابع، "معلومة للكل.. اللي يشوف كلب مسموم ولسه فيه الروح يجيب من الصيدلية البشري.. حقنة اتروبيل ودي ياخدها عضل.. شريط برشام فحم ومحلول ملحى.. ويسقيهم للكلب .. وربنا ينتقم من الظالم اللي موت الكلبة وان شاء الله تعالى اشوفها فيه وفى أعز الناس عنده".
