قالت الفنانة عارفة عبد الرسول إنها لم تهتم بالهجوم الذى تعرضت له نتيجة الصورة التي نشرتها على حسابها على فيس بوك وكانت تردي فيها "مايوه بحر"، مضيفة: "فيه ناس بقت كدة طول الوقت بتهاجم وخلاص وبعدين سوسن بدر ورانيا يوسف اتهاجموا بسبب صورهم عادي". وتابعت: "الناس مفكرة إن ربنا هيزعل مني علشان بتفسح ونزلت البحر، أنا جدي كان شيخ معمم وتربت على إيده في إسكندرية والجامع في بيتنا، وسألت وأنا صغيرة عايزة أشوف ربنا قالي ربنا في روحك".
وأضافت في الحوار الذي انفرد به تليفزيون اليوم السابع معها للحديث حول عن أزمة المايوه الأخيرة، وكذلك الجانب المهني والحياة الشخصية لها: "فيه كتير من اللي هاجموني مش جمهور حقيقي للفن ولا سمع مزيكا ولا راديو"، متابعة: "واحد عمره ما شاف سينما ولا تليفزيون أو اتفرج على مسرح منتظر منه إيه".
ووجهت رسالة لمن يهاجموها من باب التمسك بالقيم والدين قائلة: "اعمل إنت الصالح علشان تدخل الجنة وسبني في حالي، أنا ربنا في روحي، وخلقلنا مليون طريقة نعرفه بيها".
