احتفل تليفزيون اليوم السابع، بعيد ميلاد الديفا سميرة سعيد، بلقاء خاص لها مع الزميل علي الكشوطي، فى حلقة خاصة، وكشفت الديفا سميرة سعيد عن أمنيتها فى 2021، وعن فلسفتها فى الحياة، وأسرار تألقها، إضافة إلى أعمالها الجديدة فى الفترة المقبلة.
قالت الديفا سميرة سعيد،: "بشتغل كتير على نفسى علشان يفضل جوايا الخير وأنا مبسوطة من نفسي لأني بنام وأنا مستريحة ومرتاحة البال، لأن عمري ما أخدت حاجة مش من حقي، كل حاجة في الدنيا بتروح وبتيحي وكلنا هنمشي أهم حاجة ننبسط بحياتنا ونسيب سيرة طيبة وحلوة".
وأضافت الديفا سميرة سعيد في حوارها عن سر احتفاظها بجمالها ورشاقتها: "بنام بدري جدًا وبصحي بدري جدًا بلعب رياضة 5 مرات في الأسبوع ومش بشيل في قلبي أي حاجة وحشة لأي حد، وده رغم أني بحب الأكل وأكيد في أوقات ببقي عايزة أكل مكرونات ولكن مش أسلوب حياتي ولو بوظت الدنيا وأكلت جامد، تاني يوم ألعب رياضة وأعوض اللي حصل وأبذل مجهود، مش بحب أتخن وأزيد في الوزن، الاعتدال في الحياة شيء مهم وعدم الإفراط في كل شيء مش قاعدة مثالية وخلاص، لازم الكل يطبق القاعدة دي، علي كل حاجة إلا المشاعر دي الحاجة الوحيدة اللي مش عايزين نبخل فيها المشاعر دي أحلي حاجة في الحياة".
تمتلك النجمة سميرة سعيد موهبة ساحرة تخطف أذهان كل عشاقى الموسيقى والغناء، وفقد اطلقت النجمة الشهيرة مئات الأغانى التى مازالت عالقة فى أذهان محبيها وعشاقها.
