وجه الإعلامى أحمد شوبير، رسالة للتونسى فرجانى ساسى لاعب خط وسط نادى الزمالك، مطالباً اللاعب بالاستمرار مع القلعة البيضاء فى الفترة المقبلة، وقال شوبير فى برنامجه الإذاعى عبر أون سبورت إف إم : "لجنة الزمالك أنهت كل الملفات الشائكة بنجاح ويتبقى لها فقط الثنائى مصطفى محمد وفرجانى ساسي وهما ملفان بمثابة الصداع فى رأس مسئولى القلعة البيضاء".
ويضيف شوبير: "ساسى يملك عرضا مغريا للغاية من الدحيل القطرى، وعشان كدا بقوله الناس فى الزمالك شالوك على العين والرأس، كنت أول سنة هايل والناس عشقتك وغنتلك فى المدرجات وبقيت زى سلطان زمانك فى شوارع مصر، وفى تانى سنة مكنش مستواك مميز زى السنة الاول ومع ذلك جمهور الزمالك نسى دا واستمر يدلعك".
وأكمل شوبير: "لو مشيت من الزمالك هتاخد فلوس ده ممكن بس محدش هيدلعك مش هتلاقى دلع الزمالك ده بره، وبقول للزمالك لو ساسى عايز يمشى فعادى عندكم إمام عاشور لاعب ممتاز ومستواه بيتطور وأداؤه ممتع بس محتاج شوية حاجات تتظبط وده دور باتشيكو وأشرف قاسم وعبد الحليم على".
وأردف شوبير: "وإمام عاشور نفسه لازم ميركزش مع السوشيال ميديا ويركز فى ايده ورجله وتدريباته ويخليه هادى فى الملعب كلنا مرينا بالعصبية بس الشاطر اللى يخلصها بدرى بدون خسائر لانها لو استمرت محدش هيخسر إلا إمام عاشور نفسه".
وأتم شوبير حديثه قائلا : "إمام عاشور مع حسين فيصل اللى باتشيكو مقتنع بيه ويمنحه فرص لم يحصل عليها فى اعارته لطنطا واللاعب كورته كويسة ومع عودة حسام أشرف وأسامة فيصل سيكون لدى الزمالك مخزون مواهب لاينضب من الناشئين نواة المستقبل".
تم أضافة تعليقك سوف يظهر بعد المراجعة