عاش أهل قرية شما فيلم شئ من الخوف إبان فترة من الخلل الامنى حدثت بعد 25 يناير، حيث فرضت أسرة أبو حريرة نفوذها وسلطتها على أهل القرية والقرى المجاوره بقوة السلاح فقد برعوا فى تجارة المخدرات والخروج عن القانون واستباحة دماء الأبرياء، ولكن اليوم استيقظ اهل قرية شما التابعة لمحافظة المنوفية على خبر أثلج قلوبهم وقلوب كافة المراكز والقرى المجاورة وهو إعدام قاتل شهيد الكرامة محمد عيسى، البطل الشهيد الذى تحول إلى ايقونة الكرامة والشجاعة ورمز لكافة قرى ومراكز محافظة المنوفية.
تم تنفيذ حكم الاعدام فى سجن وادى النطرون فجرا، هكذا بدأ الحاج رضا طاحون أحد أهالى القرية حديثه لليوم السابع، "شهيد الكرامة كان محبوبا من الجميع، اطلق مبادرة اسمها اتبرع بجنية يوم الجمعة من اجل انشاء مدارس داخل القرية لأبنائنا وتمت بالفعل واطلقنا عليها اسم الشهيد محمد عيسى، ومستشفى ومشروع ال ١٠٠٠ نخلة".
وتابع، "لم يكتفى بذلك بل حارب عتاولة الاجرام والفساد والاجرام الذين أرادوا فرض قوة السلاح والبلطجة على اهل القرية، بل زاد فجرهم باستباحة الدماء والعباد دون رادع، فوكله اهل القرية ليقف امامهم ونحن خلفه، وحدث ولكنهم اتفقوا على ازهاق دمه يوم مباراة مصر وغانا ب ٩ طلقات".
واوضحت شقيقة الشهيد، "مروحناش المقابر من يوم ما اندفن، ازاى ندخل عل اخونا ولسه حقه مرجعش، النهاردة احنا اقامنا العزاء ورايحين نزور اخونا لاول مرة بعد القصاص، القضاء اقتص لينا بشكرهم وبشكر الشرطة المصرية على مجهودهم، احنا بقينا دولة قانون بجد انا فرحانة جدا وكلنا فرحانين اولاده وزوجته واخواته واهل القرية كلها".
وقالت زوجة الشهيد، "جنازته ملهاش مثيل اكتر من 100 الف مشيع مشهد مهيب شوفته بعينى مش اهل قريتنا بس لا ديه القرى المجاورة كلها خرجت تودع محمد جوزى، اللى وقف قدام البلطجية اللى عيزين يبيعوا مخدرات فى البلد وسلاح واللى كان بيعترض كان بيتقتل او يتحرق بيته".
وتابعت،"اهل القرية حكموا عليهم بعد قتلهم 5 أبرياء انهم يجيبوا البلد فى 2011 وخرجوا منهة ورجعوا تان لى 2016 وزوجى وقف لهم وقرروا انهم يخلصوا منه بالرصاص وده اللى حصل.. انا حق زوجى رجع.. احنا فى دولة القانون ".
