هيدى كرم: "بشترى حاجات وأكتشف عندى منها".. تعرف على تفسير ذلك

قالت الفنانة هيدى كرم، إنها عادة ما تشترى أشياء وتكتشف بعد ذلك أن لديها من نفس الأشياء في المنزل، وتقرر كثيرا أنها لا تفعل ذلك دون جدوى.

وقالت خلال تقديم برنامج "راجل و2 ستات"، على فضائية "ON"، :"امبارح نزلت عملت شوبينج واشتريت حاجات واكتشفت إن عندى زيها في الدولاب، وقلت لنفسى للمرة العشرين بعد الألف مش هعمل كده تانى، ومفيش فايدة، وبعدين جيت بالليل وقاعدة سقعانة حطيب طبق الأكل "قرنبيط باللحمة المفرومة" وقلت عشان هتعشى مش هاكل أرز وأكلت عيش".

وتابعت هيدى كرم: "ليه ديما بعد ما أخرج من الكارثة بعمل كده تانى، وليه في مناطق في حياتنا عندنا ضعف فيها؟".

من جانبها قالت الإعلامية شريهان أبو الحسن، إن كثير من الناس لديهم نفس الاضطراب، وذلك قد يكون نتيجة كثرة الضغوط التي تجعلنا نتجه لأن نكافئ أنفسنا ولكن بطريقة خاطئة، مردفة: "الناس مضغوطة زيادة عن اللزوم وفاهمين أن لما يكون مستوانا المادى أحسن يبقى بالضرورة عايشين أفضل فنكافئ نفسنا بطريقة غلط ونرجع نندم".