عبرت الإعلامية بسمة وهبة، عن استيائها من التعليقات الجارحة على صورتها مع أبنتها خلال القيام بالتسوق معا، مؤكدة أن ما يراه الجمهور من صور للمشاهير ورائها الكثير من المتاعب والكواليس غير السعيدة، كاشفة إصابة أبنتها بفيروس كورونا منذ ثلاثة أسابيع وكانت تخضع لعزل تام فى دبي قبل تعافيها وقدومها إلى مصر.
بسمة
![بسمة وهبة وابنتها بسمة وهبة وابنتها](https://img.youm7.com/ArticleImgs/2021/1/8/104701-10.jpg)
بسمة وهبة وابنتها
وشاركت بسمة متابعيها فيديو لها عبر حسابها بموقع "إنستجرام"، خلال تواجدها بإحدي العيادات الطبية، مصحوبة بتعليق :"عشان المتنمرين اللي مستكترين إني خارجه أنا وبنتي بنتفسح هذا ما وراء الكواليس التي لا يراها صم وبكم القلوب والعيون.. قبل الفسحة بنج ومنظار ومشكلة ع الأحبال الصوتية وإنذار بفقد الصوت بسبب السترس وإجهاد العمل".
وتابعت: "ده نفس اليوم اللي اسكترتوا رفاهيته عليا أنا وبنتي اللي كانت ف دبي ليها 3 أسابيع عندها كورونا وأنا ممنوع ـقرب ولا اشوفها وكانت ف عزل تام! إيه رأي المتنمرين لو بعد إذنهم ومايضايقهمش إني أخرج بنتي وارفع معنويتها ومعنوياتي .. أنا قلت لكم قبل كده حيتنا مش الصورة اللي بتشوفوها ..دايماً الصورة وراها صورة لم ولن تروها..شوفوا بس المنظار اللي مسكاه الممرضة ورا الكرسي كل ده كان ف فمي بردوا صورة ورا صورة ورا صورهة ودي حياتنا اللي انتوا قاعدين بس تتنمروا وتنظروا علينا #لا_للإهانة".
بسمة وهبة وابنتها
![1 1](https://img.youm7.com/ArticleImgs/2021/1/8/69154-1.jpg)
بسمة وهبة أثناء جلسة علاج
تم أضافة تعليقك سوف يظهر بعد المراجعة