لا يرتبط تحقيق الأحلام بعمر أو ظروف معينة، فمهما بلغت التحديات من يريد الوصول إلى هدف يسعى إليه، وهذا ما فعلته أم لـ4 شباب بتحقيق حلمها لاستكمال تعليمها حتى تخرجت فى كلية الحقوق جامعة القاهرة، الأمر الذى كان محل فخر من أبنائها الذين نشروا صورها من حفل التخرج عبر حساباتهم على موقع التواصل الاجتماعى "فيس بوك".
محمد مرزوق يروى قصة كفاح والدته لاستكمال تعليمها
الشاب محمد مرزوق، يروى قصة كفاح والدته ومواجهتها التحديات فى سبيل تحقيق حلمها من خلال أسطر قليلة فى تدوينه عبر حسابه على "فيس بوك"، حيث قال عن والدته وفاء صفوان "ماما مكملتش تعليمها عشان تتجوز وهى عندها 18 سنة، وجابت 4 أولاد، وبعد طلاقها من بابا من 10 سنين جالها حالة من الاكتئاب".
وأضاف "اقترحنا عليها أنا وإخواتى إنها تكمل تعليمها، وده ممكن يشغلها شوية من اللى كانت فيه، وإن حياتها ممكن تتغير شوية، وفعلا أخدت القرار ده ودخلت الثانوية العامة وذاكرت واجتهدت وجابت مجموع كبير، بعد كده اختارت تدخل كلية الحقوق، وفعلا دخلت الكلية وبدأت تحضر المحاضرات وتذاكر زى أى حد، لحد ما جه اليوم اللى تتخرج فيه وبتقدير كمان".
![احتفالا بالتخرج احتفالا بالتخرج](https://img.youm7.com/ArticleImgs/2021/10/1/298285-احتفالا-بالتخرج.jpg)
احتفال الأبناء بتخرج والدتهم من كلية الحقوق
![الام مع ابنائها الام مع ابنائها](https://img.youm7.com/ArticleImgs/2021/10/1/172561-الام-مع-ابنائها.jpg)
السيدة وفاء مع أبنائها بروب التخرج من الكلية
وتابع "أنا وإخواتى عمرنا ما كنا نتخيل إنها توصل للمرحلة دى، إحنا بجد فخورين بيكى يا أمى فعلا، علمتينا يعنى إيه مفيش حاجة اسمها مستحيل وإن دايما فيه أمل"، وتابع: "إنتى مثال للنجاح والطموح"، ثم اختتم القصة بالثناء والدعاء لها: "ربنا يخليكى لينا وعقبال ما نشوفك أحسن محامية فى مصر لأن الحلم والطريق لسه مخلص، مبروك يا أمى".
تم أضافة تعليقك سوف يظهر بعد المراجعة