أسرار فى حياة الفنان أحمد بدير، كشفها خلال حواره مع الإعلامية وفاء الكيلانى ببرنامج "السيرة"، قال فيها إنه كان يعانى عقدة الخوف من أن يفقد والده أو والدته منذ أن كان فى العاشرة من عمره، قائلا: كنت حاسس إنه لو والدى مات إنى هتجنن.
أضاف: فى يوم روحت البيت لقيت أخواتى البنات قاعدين جنبه وبيقرأوا له القرآن فمسكت إيده وبوسته لكنه كان فى شبه غيبوبة، واستطرد: وأنا بصلى الفجر سمعت صوت بكاء أخواتى يعلو ففهمت إن والدى توفى.. جريت للمطبخ وجبت السكينة وقولت اللى هتصوت هدبحها.. ممنوع الصويت خالص عشان ما يتعذبش بسبب صويتنا ربنا أنزل السكينة على قلبى وغسلته".
وتحدث عن بداياته الصعبة، أشار إلى أنه كان يوفر الأموال ليدخل السينما قائلا: "كنت بمشى مسافات طويلة عشان مش معايا فلوس، وكنت بشترى طبق الكشرى وأحطه فى رغيف عيش عشان أشبع".
وأضاف الفنان أحمد بدير: "فى مرحلة طفولتى مكنش دمى خفيف وخارج التمثيل بكون منعزل وساكت ومش بتكلم كتير".
تم أضافة تعليقك سوف يظهر بعد المراجعة