حكايات مثيرة فى حياة الفنان كريم فهمي تحدث عنها خلال برنامج "سهرانين" الذى يقدمه الفنان أمير كرارة، كريم قال إن أغلب أفلامه التى قام بتأليفها أطلق اسم بناته على أسماء البطلات اللاتى تقفن أمامه مثل "ديدو" و"حسن وبقلظ"
وعن ممارسته لمهنة طب الأسنان قال: بعد التخرج اشتغلت في أماكن كتير وفى مستوصفات وفى عيادات دكاترة لغاية ما فتحت عيادة بمنطقة شعبية فى فيصل وبعدين فى المهندسين، وبعد كده قفلت خالص"
وأضاف: "كنت مركز أكتر فى التمثيل والتأليف، ولما اتعرفت بشكل كويس الناس اللى بتيجى تكشف جايين عشان يهزروا مش يعملوا أسنانهم" وعن حفل زفافه.. كشف أن صديقه شيكو كاد أن يمزق فستان زوجته قائلا: "كان بيعدى من مكان ضيق فى الفرح وبالصدفة كاد أن يسقط وهو بيقع راح مسك فستان زفاف مراتى وسمعنا صوته وهو بيتقطع، بس ربنا سترها"
وحكى كريم فهمى عن مشاجرة في حفل الزفاف فقال: "كان فى دخلاء مش عارفهم واحد فيهم كان واقف وبيصور بموبايله فشقيق زوجتى أخد منه الموبايل وبنهاية الفرح حصلت الخناقة معه وأصحابه وكانت خناقة ضرب بجد".
