قالت الفنانة إلهام شاهين، إن الدكتور خالد منتصر هو من بدأ مبادرة التبرع بالأعضاء، مضيفة : لما قريت اللى كاتبه عن الموضوع اتبسطت جدا وحسيت أن الموضوع إنسانى ومهم وياريت كلنا نقدر نشارك فيه، متابعة : قولتله أنا أول واحدة هعمل فيديو وهناشد الناس على التبرع بأعضائها.
وأضافت فى تصريحات خاصة لتليفزيون اليوم السابع، أتمنى أن كتير من الناس يعملوا زيى وأنا سمعت كلام كتير من مؤيدين لكلامى وتبرعى بأعضائى زى الشيخ خالد الجندى اللى قال إنه معلن بتبرع بأعضائه بعد الوفاة.
وتابعت العديد من المثقفين والعلماء انضموا للمبادرة والتى تحث على التبرع بأعضائهم بعد وفاتهم، مضيفة : دا أكد لى إننا بنتكلم فى أمور صح ولازم ناخد رأى العلم والدين فى مثل هذه الأمور.
