أسرار كشفتها الفنانة اللبنانية نادين نجيم، خلال لقائها ببرنامج "معكم" للإعلامية منى الشاذلى، المذاع على قناة Cbc، وتحدثت فيه عن عمليات التجميل التى أجرتها، وقالت: مش بتضايق لما يقولوا إنى كنت أحلى قبل أو بعد العملية.
وأضافت إنها لم تفز بملكة جمال لبنان من فراغ وحصدت اللقب عن جدارة وكشفت أنها كانت تحضر للمسابقة منذ أن كان عمرها 16 عامًا.
تحدثت نادين نجيم خلال الحلقة عن لحظة انفجار مرفأ بيروت وإصابتها الكبيرة، قائلة: "كنت بصور من البلكونة وقتها الحريقة عشان ابعته لشقيقتى ومكنتش أعرف إن في متفجرات هتنفجر".
وأضافت نادين نجيم: "فقدت الوعى مع سقوطى لأنى وقعت براسى على ترابيزة حديد وفيها زجاج، ومكنتش فاكرة أي شيء وبعد أول 5 أيام بدأت أتذكر بعض الأشياء مثل الإسعاف والدم وما زال حتى الآن في حاجات مش فكراها، ولكن أكتر حاجة فكراها إنى كنت بقول يا رب ما تاخد نظرى، ولما روحت المستشفى فضلت قاعدة ساعتين ونص مكنش في طبيب وبدأت يتوافد المصابون والجرحى وكانت مناظر مخيفة".
وتابعت نادين نجيم: "أنا أخدت 400 غرزة في وجهى وباقى أجزاء جسدى نتيجة الانفجار، وأول عملية أخدت 7 ساعات، وتانى عملية اكتشفتها من عند ربنا كانت عينى مقفولة وحاسة إن في نزيف دم، وسألت الطبيب أنت متأكد إن مفيش حاجة وقلتله عاوزة أعمل أشعة واكتفت إن في عضم مهشم بجوار عينى، والحمد لله كنت محظوظة أوى وربنا شفق عليا انى لم أخسر نظرى".
وعن انفصالها عن زوجها قالت: "الطلاق كان واحدا من المخاوف لأن في تداعيات وراه، ولكن لما بتوصل لطريق مسدود بيكون لازم آخد الخطوة".
وتابعت نادين نجيم: "قرار الانفصال بيأثر على أى امرأة، وما تهمنى النجومية والشهرة لأنها لا تدوم لو كان دامت لغيرى لم تكن تأتى لى، ومش بيفرق معايا مين يقول أي حاجة عنى، أنا كل اللى يهمنى الأولاد فقط وأحارب عشان خاطرهم".
تم أضافة تعليقك سوف يظهر بعد المراجعة