أعرب الإعلامى طارق علام عن سعادته، خلال لقائه في "تليفزيون اليوم السابع"، والذى كشف خلاله عن كواليس عودة برنامج "كلام من دهب" على قناة المحور، قائلاً: "البرنامج هايكون 4 جوائز بـ 100 ألف جنيه كل أسبوع، وإن شاء الله في رمضان يكون كل جايز بـ 100 ألف جنيه".
وأضاف طارق علام: "البرنامج يقدم صورة عن مصر في 2021، ومن خلاله بشوف الابتسامة والناس الطيبة، يمكن معظم البرامج بتاخد الجانب السياسى لكن إحنا بننزل نضحك مع الناس ونشوف الناس الطيبة وجبر الخواطر، ونشوف الناس إللى محتاجة وبيقولوا يارب ويجيلهم الفانوس السحرى إللى هو البرنامج"
وتابع: "البطل الحقيقى في البرنامج الناس الطيبة اللى بنقابلها واللى بيكسب بيكون سعادته من سعادتنا كلنا، والبرنامج محافظ على مصداقيته في الشارع ومعتمد على جبر الخواطر وبعض المعلومات اللى بنقدمها وقابلت ناس بتغنى وقابلت ناس من السودان وسوريا والصومال وبنشوف كل الجنسيات وكل الأهالى اللى في الشارع المصرى، وبنقدم صورة حلوة عن الشارع الجميل الطيب".
تذاع اليوم فى العاشرة مساء أولى حلقات برنامج "كلام من دهب" الذى يقدمه الاعلامى طارق علام على قناة المحور بشكل جديد، ويقدم من خلاله 4 جوائز مجموعها 100 ألف جنيه ويجوب محافظات مصر ويستمر أسبوعيًا، وفي شهر رمضان يذاع يوميا وهو من إخراج نبيل عبد النعيم .
والفيلم فكرة طارق علام وتمت كتابته على مدار عامين، وسيشارك به عدد كبير من النجوم، ونجم عالمى من خارج مصر.
