قال الفنان هانى شاكر، نقيب المهن الموسيقية، إنه من واجبنا أن نتحرك ضد أى إساءة لمصر، متابعا:" كلنا استفزنا كلام عمر كمال ،واحنا مش بس بنتحرك علشان ولادنا.. أحنا بنتكلم عن أبناء الأمة العربية كلها، وكل الأراضى العربية طاهرة ومقدسة.. أمال أحنا بنضحى بولادنا ليه؟"
وأضاف هاني شاكر فى اتصال هاتفى مع الإعلامى أحمد موسى، خلال تقديمه برنامج "على مسئوليتى" موجها كلامه لعمر كمال: لما أنت عارف أن الكلام ده غلط، بتغنيه هنا فى مصر ليه؟.. وأحنا نستنهض الدولة كلها أن تساعد النقابة في تقنين أوضاع الموسيقى في مصر فى إنتاج الأغانى والمسرحيات في مصر".
وتابع هانى شاكر: "أنا استغربت من جرأة عمر كمال، إنه يقول الكلام ده، والناس مش مصدقة اللى بيحصل ده، وتم إبلاغ عمر كمال بالتحقيق وهو جاى بكرة، وهيحضر التحقيق، وهيكون في عقاب كبير.. ولما نشوف اللجنة هتقول أيه، هناك مجموعة من الراب قدمت وبتاخد تصاريح وتوقع على إقرار للالتزام بالكلام، وهى محاولة مننا لاحتضان هذا اللون الجديد، والسيطرة على ما يحدث فى الساحة الفنية.
