-أقسم بالله بحب ولادى أكتر حاجة فى حياتى.. وكرهت الفلوس
-ابنى كسرلى دراعى ورجلى ومبقتش أقدر أمشى وباع "قبرى" اللى هتدفن فيه
-أدعى على ولادى وأكره اللى يقول آمين
-غنيت قدام عبدالوهاب بـ"ضهرى” من الكسوف
-اتجوزت 3 مرات وكان عندى (14) سنة والعريس (55) فى أول مرة
- طلبوا منى ألبس مايوه وأقف فى فاترينه وحلمى رفلة قال "حرام"
- بصلى الفجر حاضر وحجيت بيت الله 6 مرات وبقول يا رب اغفرلى
-بحب بلدى أكتر من أى حد واتخانقت فى السويد
حوار خاص أجراه تليفزيون اليوم السابع، مع الفنانة القديرة شريفة ماهر تحدثت فيه عن ذكرياتها، مع كبار الفنانين مثل محمد عبدالوهاب، وحلمى رفلة وأم كلثوم، وما تمر فيه فى الفترة الحالية من أزمات مع أبنائها شريف وناهد ومجدى.
وقالت الفنانة شريفة ماهر تفاصيل أزمتها مع أبنائها، وحصولهم على أموالها وأملاكها رغما عنها، مشيرة إلى أن كانت تحبهم أكثر شيء فى حياتها، وتابع قائلة:" ابنى شريف بيحب الفلوس من وهو صغير ومشكلتى مع أولادى الكبار كلهم ".
وتابعت فى حوارها لتليفزيون اليوم السابع، الذى أعده محمود نصر، وأجراه محمد محسوب، قائلة:" إلى أن ابنها شريف طلب منها التواجد فى شقة بمنطقة جاردن سيتى لحين الحصول على شقة جديدة، وحتى الآن رافض الخروج منها، وهو واخده حقه وانا اللى ادتهوله، واخد شقتين وملحين وفيلا فى عمارة الهرم، مشيرة إلى أن أزمتها مع ابنها شريف بدأت منذ سنة تقريبا.
وأشارت الفنانة شريفة ماهر قائلة: "ابنى زقنى وكنت هقع، هل ينفع حد يعمل فى أمه كدا، أنا أمى كانت فقيرة وماتت فى حضنى، وكانت لا يفارقها القرآن ولم تكن تحب ابنى شريف وبتقولى خلى بالك منه".
وأوضحت شريفه ماهر إلى أنها بعد اعتزالها الفن بدأت فى الاستثمار العقارى، بشراء الأراضى والعمارات وبيعها.
وتابعت شريفة ماهر:" ابنى ضحك عليا، ومش هسامحه لإنه خاض فى عرضى وشرفى، والناس كلها تعرف شريفة، ولم ينظر لى أحد، الرك على الست، وسيبك من اللى تقول الراجل عاكسى الرك عليها هيا السبب".
وتحدثت الفنانة شريفة ماهر، عن تفاصيل أزمتها مع أبنائها واستيلائهم على أموالها وممتلكاتها، مشيرة إلى أنها تزوجت ثلاث مرات، وانجبت من أزواجها الثلاثة، مشيرة إلى أن أبنائها من أزواجها الأول والثانى، يرفضوا الاعتراف بأشقائهم من الأم بسبب الفلوس.
وأضافت خلال حوارها على تليفزيون اليوم السابع «وزعت جزءا كبيرا من أملاكى، شريف وطارق فتحت له شركة إنتاج، شريف زقنى مرتين ودراعى اتكسر من 4 سنين، ولادى أخدوا كل اللى حيلتى».
وتابعت قائلة: أنا كرهت الفلوس فى حياتى، وتابعت قائلة" الشيطان بيلعب فى الدماغ، الفلوس بتخلى الواحد بيعمل فى أمه كده، ابنى شريف جاب واحد وخلها تشتمنى على السوشيال ميديا.
وتابعت قائلة:" ابنى استغل انى مش بشوف، وثقتى ومضانى على ورق من غير ما اعرف، وهو واخد حقه وأنا اللى ادتهوله، وفى العمارة الثانية، اخد شقتين ومحلين وفيلا، مؤكده أنها لم تقم برفع أى دعاوى قضائية ضده ابنها، ولكن ابنها هو من قام برفع دعوى صحة توقيع ضدها.
وكشفت شريفة ماهر تفاصيل دخولها عالم الفن والتمثيل ولقاءها الأول مع المخرج حلمى رفلة، وقامت بغناء أغنية " يا مسافر وحدك".
وذكرت أنها التقت بالفنان الكبير محمد عبدالوهاب، حيث غنت له وهى لا تنظر إليه بسبب الكسوف قائلة " غنيت بضهرى” أغنية يا مسافر وحدك وعجبته أوى وقال عاتوا العقد تمضى 3 سنين دى بنت حلوة وشاطرة.
وحول زواجها قالت : اتجوزت وانا عندى 14 سنة وجوزى كان عنده 55 سنة سنة، كنت حلوة وجميلة جدا وأبويا كان عايز يطمن عليا، زى ما أى أب بيعمل وزى ما أنا بعمل مع أولادى وخلفت بسرعة ومكنتش أعرف يعنى إيه جواز.
وأضافت، جوزى خلانى أمثل وممنعنيشن كانوا عايزينى أطلع فى دور بـ"المايوه" فى فترينة حلمى رفلة طلب منى كدا، وبعد كدا رجع وقال حرام لأ إنتى تكونى البطلة وودانى لعبدالوهاب وعملت أغانى بعدها ومثلت أدوار كويسة.
وقام أيضاً خلال حوارها مع تليفزيون اليوم السابع بغناء أغنية " فاكراك ومش هنساك "، وتحدثت عن مواقف جمعتها بكوكب الشرق أم كلثوم، ذاكرة أنها كانت تحب أم كلثوم كثيرا،ً وكانت أم كلثوم ترى فيها موهبة كبيرة.
وذكرت شريفة ماهر، أنها أيضاً غنت مواويل عديدة فى مختلف دول العالم بطريقتها وأبدى الكثيرين إعجابهم بها، ذاكرة أنها تبلغ من العمر الآن 83 عام، ولم تشرب سيجار أو كحوليات طوال حياتها قائلة : الحمد لله عمرى ما شربت كحول أو دخان أو غيره علشان كدا صوتى متأثرش وكويس لحد دلوقتى.
وحول طقوسها اليومية بعد الاعتزال قالت : أنا بصلى كل يوم الفجر حاضر الحمد لله ن وأنا ست متدينة أوى وبعد ما لبست الحجاب كل حاجة اتغيرت وحجيت بيت الله 6 مرات الحمد لله، ومداومة على الصلاة وبصلى الضحى وكل وقت الحمد لله وبدعى دايماً وأقول يا رب.
وتابعت : أنا بدعى ربنا يسامحنى على صورى بالمايوه بقول يا رب سامحنى واغفر لى يا ربن وبدعى وبصلى ليل نهار وبعيط، وبصحى على الفجر بدون منبه، بحس أن فيه حد بيصحينى أصلى والحمد لله مش بفوت الصلاة.
وتحدثت مجدداً عن فكرة العودة لأبنائها قائلة يرضوا باللى بقول عليه أنا موجودة بس أنا مش مسمحاهم دا إبنى كسر دراعى ومبقتش قادرة أمشين كمان كان فيه تربة اشترتها علشان أدفن فيها بعها استخسرها فيا.
وأضافت : إبنى هددنى وبعت إبنه هددنا وققالى "هقتل جوزك لو فكرتى تروحى الشرطة وهيبقى فيه بينا دم".
وحول إبنتها الكبرى قالت : بنتى دى كنت بعبدها بعد ربنا لكنها بتشجع إخواتها ضدى علشان يأذونى وأنا دلوقتى مليش دعوة بيها، مضيفة الأم تدعيى على إبنها وتكره اللى يقول آمين وأنا ام برضو.
تم أضافة تعليقك سوف يظهر بعد المراجعة