قالت "ميريام علاء" البطلة الحقيقية لحكاية حلم حياتي في مسلسل إلا أنا، إنها فخورة جدا بالمسلسل، وبعد عرض المسلسل جالى العديد من المتابعين على صفحتى على إنستجرام، مضيفة: "فى مدرستى القديمة محبتهاشى لأن كان هناك تلاميذ بتتنمر عليا".
وأضافت خلال حوارها مع الإعلامى أحمد فايق عبر برنامجه "مصر تستطيع" المذاع على قناة دى إم سى: "ولما نقلت المدرسة الجديدة وجدت تلاميذ بيحبونى، واللى بيتواصل معايا قليلون وكانوا بيتنمروا على عشان كنت بلبس نظارة، ولما كنت صغيره تعبت قوى وروحت المستشفى ومكنتش اعرف أتكلم وكنت بعيط بس فى الحضانة".
من جانبها، قالت نهاد عبد الغنى والدة ميريام علاء: "علمتها أنها تاخد حقها وصعدت الموضوع واشتكيت فى المدرسة، ونقلتها من المدرسة، المسلسل عرض فكرة مفيش وعى عند الناس أن الطفل اللى عنده توحد شكله يختلف عن المواطن العادى، ولكنه هو مواطن عادى، وهما ميعرفوش أى حاجة، وركز المسلسل عليها ووصل لكل الناس".
وأضافت خلال حوارها: "مفيش حد يفقد الأمل فى مرض التوحد، ميريام عندها 14 سنة والتشخيص كان صعب جدا، واشتغلت على المشاكل وبدأت معاها بالتخاطب فترة كبيرة فى العربي وبعدين دخلتها مدرسة نظام أمريكى قبلت اللغة الأمريكية".
تم أضافة تعليقك سوف يظهر بعد المراجعة