مع مرور الوقت استطاعت المرأة المصرية أن تدخل فى جميع المجالات ورفضت أن يتم تهميشها من المجتمع واقتحمت كل الوظائف، ولكن لأول مرة تقتحم السيدات مجال الإنشاد الدينى، فنسمع دائما أنه من الرجال فقط، وهنا قررت نعمة فتحى إنشاء أول فرقة إنشاد دينى من الفتيات فقط.
وقالت نعمة فتحى لـ"اليوم السابع" طول عمرى بحب الإنشاد والابتهالات وكنت باستغرب ليه رجال فقط اللى فى الإنشاد ولما كبرت قررت إنى أعمل أول فرقة إنشاد دينى من البنات، وجمعتهن عن طريق السوشيال ميديا ".
وتابعت" فى الأول الناس كانت بتهاجمنى وتقولى ايه اللى بتعمليه ده وازاى بنات تقول إنشاد دينى، لكن دلوقتى الحمد لله قدرت أوصل وأطلع حفلات والناس كلها فرحانة بيا وبالفريق بتاعى".
وأضافت" الحمد لله حصلنا على جوائز كتير فى الانشاد الدينى وطلعنا حفلات كتير، رد فعل الجمهور بيفرحنى لأنى بحس إنى فعلا بعمل حاجة كويسة، وهدفى هو رفع اسم مصر قدام العالم ".
واستطردت حديثها قائلا" بنحضر لأغنية خاصة بالفريق وكل اللى بنتمناه هو دعم لأن كل حاجة بعملها فى الفريق من مصاريفى الشخصية حتى المكان اللى بنروح نتدرب فيه بندفع مقابل، احنا محتاجين من وزارة الثقافة توفرلنا مكان نتدرب فيه وتتبنى موهبتنا عشان نقدر نكمل.
