عاصى الحلانى: والدتى ادتنى علقة عشان سرقت بطيخ ووالدى ضربنى عشان كذبت عليه

الخميس، 09 ديسمبر 2021 11:20 م

عاصى الحلاني

كتب بهاء نبيل

اضف تعليقاً واقرأ تعليقات القراء

حل النجم عاصى الحلانى ضيفا في برنامج "السيرة" للإعلامية وفاء الكيلانى، المذاع على قناة Dmc، وتحدث خلال الحلقة عن قصة حرامى البطيخ، قائلا: "كنت وأنا صغير وعمرى 12 سنة كنا بنروح نسرق بطيخ وعمرنا ما اتمسكنا ولكن والدتى قفشتنى وضربتنى علقة، والزمن عاد نفسه مع ابنى الوليد ولقيته في مرة جايب بطيخ بليل وعرفت منه أنه سرقه من الصحراء، وطبعا نهته وفهمته ان هذا غلط".

وتابع: "أخى الأكبر ضربنى علقة أيضا لأنى في مرة سرقت عربيته وهو كان بيركنها في ساحة كبيرة وقلت أجرب عشان أتدرب على السواقة، وأخدت المفاتيح والعربية بس ضربنى علقة بعد كده وكان دايما بينى وبينه مشاكل".

وأضاف الحلانى: "والدى ضربنى في مرة عشان كذبت عليه، كنت وقتها جاى من المدرسة ومعى الشهادة وكان بيصدقنى علطول وقلتله إنى ناجح وهربت من قدامه عشان ميقولش ادينى الشهادة، وهو بليل كان قاعد مع خالى وابن خالى معايا في نفس الصف واحنا الاثنين راسبين فعرف والدى بقى وقتها وضربنى كف واحد بس أثر جدا في ومن وقتها مبقتش أحب أشوفه حزين لأنه كتوم جدا".

واستكمل الحلانى: "أقنعت والدى بالغناء بعد ذلك واشترى لى عود بكل معاشه، لأنه شافنى بروح المعهد والمدرسة ودايما بغنى في البيت فقال مفيش منه فايدة، وفعلا مكنش عندى علم وقت ما اشتراه ليا وكانت فرحة مقدرش أوصفها لأن جانى العود اللى بحلم به لأنى كنت بروح المعهد اتعلم على العود ومعنديش واحد في البيت أتمرن عليه".

عاصى الحلانى

عاصى الحلانى فى السيرة

عاصى الحلانى