كشف برنامج راجل و2 ستات المذاع على قناة on تقديم الإعلامية شريهان أبو الحسن والفنانة هيدى كرم والفنان أحمد صلاح حسنى، عن سؤال الحلقة، هل قسوة الرجل سبب إهمال السيدة لنفسها؟.
وقالت الإعلامية شريهان أبو الحسن : "السيدة تزدهر وتنور فى سن الثلاثين وهى مرحلة النضج والحكمة.. والسيدة فى سن الأربعين الأكثر حكمة.. ولكن مشكلة السيدة مرتبط بالرجل، ويعد الرجل قدرنا.. وهو محور حياة المرأة فى الكون.. والسيدة تنور لما الرجل يدها احساس الحب والأمان.. والراجل مش بيتأثر جامد بسبب الخناق بينه وبين زوجته ولكن يتأثر جامد لو هناك مشكلة مع أبنائه.. والراجل بيكمل حياته عادى والشغل مهم له".
وعلق الفنان أحمد صلاح حسنى : " مقدرش أقول الراجل السبب فى ازدهار السيدة.. ولكن الرجل له دور فى هذا.. ولو الراجل معرفش يحب نفسه مش هيعرف يحب حبيبته والعكس، لأى رجل ناجح فى العالم، والراجل مسئول أن المشكلة تأخذ حيز كبير.. والست ممكن تقعد فى مشكلة سنين"
وعلقت الفنانة هيدى كرم : "الرجل مش بيتأثر قوى زى الست".
علق الفنان أحمد صلاح حسنى عن سؤال هل قسوة الرجل سبب إهمال السيدة لنفسها؟ :" بقول لكل ست حبى نفسك.. ولو انتى زيادة 3 أو 4 كيلو أو تخينة انزلى اعملى رياضة فى 4 شهور هتلاقى نفسك خسيتى واللبس ليه طعم والأكل ليه طعم وكمان الخروج له طعم معاكى".
وأضاف أحمد صلاح، :" مش بحب فكرة أن هدية الفلانتين لازم تيجى فى الوقت بتاعها.. وبحب الهدية اللى مش متوقعة".
وأضاف: "هتلاقى نفسك حبيتى نفسك جدا.. ومفيش حاجة حلوة سهلة.. ومفيش نجاح سهل لو كان كده كان بقيت كل الناس ناجحة.. فيه راجل بيتأثر أكثر من السيدة.. ولو جوزك مش مهتم انسيه ومع السلامة". وعلقت الفنانة هيدى كرم : "الحياة هيبقى ليها طعم فعلان لو عملت السيدة كل ده".
وكشف برنامج راجل و2 ستات، عن دراسة ألمانية عن كلمة بحبك أثارت الجدل بالبرنامج.
وقالت الإعلامية شريهان أبو الحسن : "إن الدراسة الألمانية كشفت عن أن الزوجة اللى بتحب زوجها بتقول لزوجها كلمة بحبك مرتين فى اليوم فى حين أن الزوج لقول لها بحبك مرة واحدة كل أسبوع.. كلمة بحبك تمنح أى شخص الثقة فى النفس والعلاقة لسه سليمة.. كلمة بحبة تعنى أن العلاقة تسير فى المسار الصحيح.. والراجل مسؤول عن أفعاله.. والمشاعر الطبية معدية فى الكلام الحلو".
وعلق الفنان أحمد صلاح حسنى : " مفيش حد زى التانى فى العلاقات.. وفيه رجالة بتقول بحبك كل يوم والست مش حاسة بالكلام ده.. وكل راجل وسيدة لما يجتمعوا عمرهم ما هيبقى ليهم كتاب واحد يعرفوا كل حاجة عنهم.. والسيدات مش بتطمن بالكلام بس بتطئمن من الأفعال.. وهناك كلام كثير غير كلمة بحبك، وهناك بدائل ومنها "وحشتينى، وشعرك جميل النهاردة، وأجل ست فى الكون.. ومشكلة السيدة أنها فى مود معين عاوزة تسمع فى وقتها".
وعلقت الفنانة هيدى كرم: " كلمة بحبك تطمئنها الكلمة.. وهناك عوامل كثيرة تطمئن السيدة فى العلاقة منها الكلام الحلو والأفعال والاستقرار فى الحياة الزوجية، وكلمة بحبك تحسس السيدة بالأمان.. وكلمة بحبك مش لازم تقول بحبك عمال على بطال.. لما يكو هناك نقص فى الكلام الحلو لدى السيدة من الرجل يبقى فى اول مشكلة يحصل بها تطوير وتبقى مشكلة كبيرة، والكلام الحلو بيخلى اللى قدامك يلين".
