قال الفنان محمد ثروت، اسمى عاملى مشكلة طوال حياتي، و منذ 6 سنوات لأنه شبه اسم المطرب محمد ثروت، و كانوا بيتريقوا عليا ما تغنى لينا أغنية، وكان نفسي أغير اسمى بعد مسلسل الكبير أوى لكن خوفت ان الناس تتلغبط فيا .
وأضاف محمد ثروت، خلال استضافته فى برنامج "واحد من الناس" للاعلامى عمرو الليثى، لسه حاصل ليا موقف حقيقى من يومين رقم اتصل عليا من بره مصر، رديت لقيتها صحفية من تونس أستاذ محمد ثروت ألف مبروك الأغنية الجديدة، فهمت على طول و قولت ليها الله يبارك فيكى بس مش أنا محمد ثروت المطرب.
وتابع محمد ثروت، الفنان بيومى فؤاد شهبندر نجوم الكوميديا، وأنا بحب اشتغل معاه لأنه عمنا، والنجم الكبير سمير غانم أبويا الروحى، و أستاذ عادل إمام سوبر ستار وهو أول إنسان وقف بجانبي في مجال الفن ووقفنى على رجلى وأول ما شوفت وشه في مشهد سرحت.
وقال الفنان محمد ثروت، زوجتى منى هي مديرة أعمالى، و بنتناقش في الأدوار اللى بتتعرض عليا لأن عندها سينس ورؤية.
وأضاف، اللوك اللى ظهرت به في مهرجان الجونة حسيت انى شبه الملك فاروق جدا وبتمنى أنى أعمل دوره في أى عمل فنى، وأنا قدمت شخصية صلاح أبو سيف في مسلسل تحية كاريوكا قبل كده ونفسي أعمل دور نجيب الريحانى .
وتابعت زوجته الفنانة منى جمال، لم نكن قاصدين أن نبقى شبه الملك فاروق كلنا عاملين لوك شخصية كارتونية لكنها طلعت شبه الملك فاروق، وأنا بحب دور ثروت في مسلسل مأمون و شركاه ودوره فى فيلم "بنك الحظ".
![5a8cdf93-1081-4921-b525-39e1b75b1781 5a8cdf93-1081-4921-b525-39e1b75b1781](https://img.youm7.com/ArticleImgs/2021/2/27/118909-5a8cdf93-1081-4921-b525-39e1b75b1781.jpg)
![204a1ca1-91cb-4d5f-aac4-54c9b1059cf5 204a1ca1-91cb-4d5f-aac4-54c9b1059cf5](https://img.youm7.com/ArticleImgs/2021/2/27/125300-204a1ca1-91cb-4d5f-aac4-54c9b1059cf5.jpg)
![675a86bc-7ed8-413d-be14-3f990de4109b 675a86bc-7ed8-413d-be14-3f990de4109b](https://img.youm7.com/ArticleImgs/2021/2/27/102270-675a86bc-7ed8-413d-be14-3f990de4109b.jpg)
![bb23eeaa-cf38-45a1-b505-9b4d2af0feb2 bb23eeaa-cf38-45a1-b505-9b4d2af0feb2](https://img.youm7.com/ArticleImgs/2021/2/27/73371-bb23eeaa-cf38-45a1-b505-9b4d2af0feb2.jpg)