كشفت الإعلامية سمر يسرى لـ "اليوم السابع"، عن استئناف تصوير حلقات برنامجها "يوم ليك" المذاع على قناة الحياة يومى الأحد والاإثنين، بعد اصابتها بفيروس كورونا لمدة 14 يوم، والذى سيكون الأسبوع المقبل، على أن يكون هذا الأسبوع حلقة مُعادة من الحلقات التي عرضت مسبقا.
وأضافت الإعلامية سمر يسرى، "أنا وبنتى وزوجى أُصبنا بفيروس كورونا في وقت واحد واتعالجنا في وقت واحد والحمد لله عملنا المسحة سوا، وكلنا بقينا تمام وكويسين، الحمد لله قدر الله وما شاء فعل".
وتابعت سمر يسرى: أنا اتصابت بعد حلقة هند صبرى على طول، ولكن طبعا محدش هيقدر يعرف مين أخد الفيروس من التانى، ممكن أنا وممكن هي وممكن حد تانى خالص؛ لأن في الشغل بنقابل ناس كتير فمتقدرش تعرف الفيروس هايجيلك منين، ولكن المهم إننا بقينا كويسين وبقينا تمام.
واستكملت سمر يسرى: الحمد لله لم أعانِ من أعراض ثقيلة، وكلها كانت خفيفة زى البرد العادى، شوية كحة، وأول ما حسيت بيها روحت عملت المسحة وطلعت إيجابية، وعزلت نفسى على طول؛ لأن لازم أخاف على الناس حولى وعلى أهل بيتى.
