الرئيس السيسى خلال مؤتمر صحفى عالمى فى قناة السويس: "محدش هيقدر ياخد نقطة مياه من مصر واللى عاوز يجرب يجرب.. مشروع تطوير الريف كأننا بنطور نص مصر من جديد".. ويؤكد: مشروعات النقل تتكلف 100 مليار دولار (فيديو)

الرئيس السيسى: أضم صوتى لمقترح حصول قناة السويس على جائزة نوبل للاقتصاد

الرئيس السيسى متباهيا بالمصريين: القطار السريع ينفذ فى عامين بقدرات مصرية

الرئيس السيسى يجدد شكره للمصريين بعد أزمة السفينة: "ربنا ما يحرمنى منكم"

الرئيس السيسى: قناة السويس قوية وباقية ومرور كل السفن العالقة خلال 3 أيام

وجه الرئيس عبدالفتاح السيسى، الشكر لجميع الدول الشقيقة التي عرضت المساعدة في حل أزمة السفينة الجانحة، مشددا على أن النجاح كفيل أى إرادة من أجل البناء والتنمية والتعمير.

وقال الرئيس السيسي في مؤتمر صحفى عالمى من قناة السويس، ردا على سؤال حول التحقيق في الحادث: دعونا لا نقفز على الأحداث فيما يخص التحقيقات وما إلى ذلك، هذا الأمر بتركه لهيئة قناة السويس ولن اتدخل فيه.. لكن كل الأسئلة المحيطة بالحادث ستكون محل تحقيق متعمق من الفنيين للوصول إلى أسباب الحادث.. لأنه موضوع فنى وقانوني مش عاوز أتدخل فيه".

وعن شعوره خلال الأزمة، أضاف الرئيس: "أى أزمة تتعرض لها مصر بيكون لها تأثير صعب علينا كلنا لأن دي بلدنا.. قلت للفريق أسامة ربيع أنت والمجموعة اللى معاك سمعة مصر في رقابتك، ولما حصلت الأزمة الدنيا كلها بتتكلم.. كان فيه اتصال كنت عارف إن موضوع المد والحذر سيكون عامل حاسم في نجاح جهد تكريك الجانبيين الغربي والشرقي لوصول المياه إلى جسم السفينة بالكامل، مضيفا: "أصعب سيناريو هو تخفيف الحمولة وقلنا نجهز نفسنا ليه ومش مهم التكلفة.

وقال الرئيس عبد الفتاح السيسى: كل التحية والتقدير والاحترام والاعتزاز لهيئة قناة السويس، والجهد المبذول على أقل قدر من الخسائر سواء في السفينة أو الأرواح أو السفن العالقة في المدخل الجنوبي أو الشمالي للقناة أو البحيرات

وأضاف الرئيس السيسى، خلال مؤتمر صحفى عالمى: "أشكر العاملين الذين أداروا الأزمة الخاصة بالسفينة الجانحة بكفاءة بداية من رئيس الهيئة حتى أصغر العاملين.. كل الشكر باسمى وباسم المصريين".

وتابع الرئيس السيسى: "لدينا إدارة وفريق عامل في هيئة قناة السويس يعمل بخبرات تعود إلى 150 عاما في إدارة القناة وحركة بناء السفن والتجارة العالمية، ما عدا الأزمات التي مرت على مصر مثل عام 56 أو عام 67.. ولكن على مدار السنوات قامت قناة السويس بدور رائع وعظيم في نقل التجارة العالمية".

وقال الرئيس عبد الفتاح السيسى، إن زيارته لقناة السويس رسالة للعالم بعودة الملاحة، وتم مرور أكثر من 100 سفينة بالأمس، واليوم يمر ما يقرب من 90 سفينة.. والـ 400 سفينة الذين تعطلوا بسبب توقف الملاحة.. وخلال 3 أيام سوف يتم مرورهم بشكل كامل، وانتظام الملاحة بشكل طبيعى داخل القناة بعد التعطل لمدة 6 أيام.

وأكمل الرئيس السيسى: "وجودى اليوم فى قناة السويس.. رسالة بأن كل حاجة رجعت زى ما كنت وإن شاء الله أفضل.. لا شك محتاجين إجراءات من قبل القناة.. وحصل نقاش كتير حول السيناريوهات والمنظرين داخل مصر وخارجها.. ولكن نحن أمام رسالة حاسمة بأن قناة السويس قوية وباقية وقادرة على تلبية نقل التجارة العالمية".

وجدد الرئيس عبد الفتاح السيسى، شكره للشعب المصرى بعد موقفه من التعامل مع أزمة السفينة الجانحة في قناة السويس، قائلا: "الحقيقة.. المصريون صابرون وصامتون.. وخايفين على بلدهم.. وطالما المصريين خائفين على بلدهم لازم يتأكدوا أن ربنا سوف يحافظ على بلدهم".

وأضاف الرئيس السيسى: "لست متفاجئ من رد فعل المصريين عن التعامل مع أزمة السفينة.. والكل شاف رد الفعل كان ازاى.. بشكر المصريين وبقولهم مش تخافوا على مصر.. البلد دى محفوظة بالله.. ثم إرادة ونوايا وحب المصريين لبلدهم ورغبتهم أنها تكون متطورة.. ربنا ما يحرمنى منكم".

وقال الرئيس عبدالفتاح السيسي، إن مسألة توسعة الجانب الجنوبى للقناة متروك للفنيين من أجل إعادة دراسته مرة أخرى.

وكشف الرئيس السيسي، عن افتتاح مينائين بحريين خلال الشهرين المقبلين، الأول ميناء برنيس مقابل ميناء جدة على البحر الأحمر، فضلا عن تطوير ميناء السخنة وسيتم الانتهاء منه خلال عامين ليصبح أكبر ميناء على البحر الأحمر، بالإضافة إلى ميناء شرق بورسعيد، الذى تم افتتاحه من قبل.

كما كشف الرئيس السيسي، عن افتتاح ميناء جرجوب الذى يبعد عن الحدود الليبية 200 كيلو خلال شهر أو شهرين، مشيرا إلى تطوير ميناء دمياط والإسكندرية وأبو قير، لتصبح مجموعة موانئ تعمل بأنظمة ومستويات متقدمة.

وأكمل الرئيس: "ميناء أبو قير سيكون من أكبر الموانئ حتى غاطس 22 متر"، والقطار السريع ممكن يتحرك من السخنة إلى العلمين أو الإسكندرية أو جرجوب خلال 3 ساعات بسرعة تصل إلى 250 كيلو.. وربطنا المتوسط بالأحمر بشبكة موانئ وشبكة سكة حديد متقدمة".

وأوضح الرئيس عبد الفتاح السيسى، إن هناك مناطق عمل على رفع القدرات فيها مثل ميناء العريش، وخلال عامين سوف يتم الانتهاء من هذا المشروع الكبير، وأحداث شمال سيناء كان لها تأثير على الجدول الزمنى للمشروعات هناك ولكن تم الانتهاء منه.

وأردف الرئيس السيسى: "عاوزين نخلى بلدنا لها القدرة فى حركة التجارة الداخلية، ولو فيه فرصة لحركة نقل نكون جاهزين.. الموضوع مش لسه هنعمل.. احنا عملنا وفيه حاجات سوف يتم افتتاحها.. خط القطار السريع.. بنتكلم عن تنفيذه فى عامين فقط.. وده لو في مكان تانى ياخد للتنفيذ من 10 إلى 15 سنة .. وأنا بقول للمصريين.. أنا اتباهى بالناس في مصر.. بالشركات والقدرات.. كل ده بشركة مصرية وعمالة ومهندسين مصريين".

وقال الرئيس عبد الفتاح السيسى، تعليقا على تنفيذ المشروعات داخل الدولة المصرية: "أنا صعب الإرضاء.. أنا عاوز كل حاجة زى الفل في أسرع وقت وبأقل تكلفة.. التطور الطبيعى للهيئة الاقتصادية لقناة السويس "لسه بدرى".. المشروع بدأ من 20 سنة فاتوا ولكن لم يتم تنفيذه.. نتحرك وراء المشروعات لتنفيذها بشكل كبير لصالح بلدنا.. لسه بدرى عايزين 100 ألف مشروع واحنا 100 مليون.. عاوزين الناس كلها تشتغل".

وأعلن الرئيس عبد الفتاح السيسي، انتهاء زراعة 1.5 مليون فدان ضمن مشروع الدلتا الجديد خلال عامين فقط.

وقال الرئيس السيسي، بشأن نجاح جهود تعويم السفينة الجانحة: "مشروع الدلتا الجديدة أنا شوفت الإعلام يتناولها إزاى ؟ بنتكلم عن مليون ونصف فدان خلال سنتين هنكون زارعينهم على طريق الضبعة سواء شماله أو جنوبه.. مياه كانت بتترمى في المكس هنخدها ونعمل معالجة لتصبح صالحة للاستخدام في الزراعة..الدلتا الجديدة مستقبل مصر، بالإضافة إلى فرصة المياه الجوفية".

وأضاف الرئيس: "المياه بتاعتهم منين ؟ بتكلم على منطقة الضبعة، منطقة سكانها قليلين خدنا ميتنا ومخدناش ميه من حد..بنعملها معالجة ثلاثية متطورة تخليها صالحة للمعايير العالمية لاستخدامها في الزراعة، وكان فيه ميه بتترمي في بحيرة التمساح بتطلع مليون متر يوميا، عملنا محطة بحر البقر هيزرعوا 500 الف فدان".

وقال الرئيس السيسي: "تبطين الترع هتوفر 2 مليار متر مكعب، ومحطة بحر البقر هتوفر 2 مليار متر في السنة، والمكس هتوفر 2 مليار متر مكعب.. بنعيد صياغة استخدام الميه لمجابهة النمو السكاني".

ودعا الرئيس السيسي إلى ضرورة نقل الصورة كاملة للمواطنين قائلا: "علشان تعززوا بلدكم علشان تقولوا للناس ان البلد بتتحرك لقدام تخطيط وتنفيذ.. أرجو إن ننقل الكلام ده للناس علشان الأمل والثقة بالنفس إن المصريين قادرين على تغيير حقيقي لبلادهم".

وقال الرئيس عبد الفتاح السيسى، أن زراعة فدان واحد ضمن مشروع زراعة 2 مليون فدان في الضبعة يحتاج إلى مياه تأتى من معالجة محطات والحصول عليها من أماكن منخفضة سواء في بحر البقر أو في منطقة الحمام وكذلك تحتاج إلى محطات رفع ومحولات كهرباء ثم معالجة المياه بتكلفة مالية، ثم زراعة الأراضى والتأكد أنها جاهزة ثم تنفيذ البنية الخاصة بها من كهرباء وطرق وشبكة رى.

وتابع الرئيس السيسى: "نزرع 2 مليون فدان لمصر من أجل الشعب المصرى.. خلوا الناس تعرف أن البلد كبيرة وقادرة.. مش يبقى الكلام خبر في جورنال كده.. انا شوفت الملفات اللى كانت بتتعمل زمان.. بتقرير يومى رسومات وبيانات دقيقة من المسئولين".

قال الرئيس عبدالفتاح السيسى، ردا على سؤال حول قضية سد النهضة: "موضوع التفاوض خيارنا اللى بدأنا بيه، وعاوز اقولكم على حاجة عمرى ما تكلمت فيها.. العمل العدائى قبيح وله تأثيرات كبيرة تمتد لسنوات كثيرة لأن الشعوب مبتنساش ده".

وأضاف الرئيس خلال مؤتمر صحفى، بشأن نجاح جهود تعويم السفينة الجانحة: "المعركة بتاعتنا معركة تفاوض، وكل يوم الرأى العام العالمى، وكبار المسؤولين يروا أننا نكسب أرض، إننا جادين في التفاوض بشكل يحقق الكسب للجميع، وكل اللى بنطلبه أمر لا يخرج عن القوانين والمعايير الدولية المعمول بها في التعامل مع هذه الإجراءات والمياه العابرة للحدود".

وكشف الرئيس السيسى، عن تحرك جديد في قضية سد النهضة قائلا: "خلال الأسابيع القليلة القادمة هايبقى فيه تحرك إضافى ونتمنى أن نصل إلى اتفاق قانونى ملزم بشان ملء وتشغيل السد".

قال الرئيس عبدالفتاح السيسى: "بقول للناس كلها محدش هيقدر ياخد نقطة مياه من مصر، واللى عاوز يجرب يجرب، احنا مش بنهدد حد، وعمرنا ما هددنا حد قبل كده، وطول عمرنا حوارنا رشيد جدا، وصبور جدا، لكن محدش هيقدر ياخد نقطة مياه من مصر وألا هايبقى في حالة من عدم استقرار في المنطقة لا يتخيلها أحد".

وأضاف الرئيس: "محدش يتصور ما هو مدى قدرتنا، عمرى ما اتكلمت كده علشان ميتفهمش أننا بنهدد حد، لكن مياه مصر لا مساس بها، والمساس بها خط أحمر، وهيبقى رد فعلنا فى حالة ذلك قد يؤثر على استقرار المنطقة بالكامل".

وأكد الرئيس عبدالفتاح السيسى، ردا على سؤال حول اقتراح ترشيح هيئة قناة السويس لنيل جائزة نوبل للاقتصاد:"أضم صوتى لمقترح حصول قناة السويس على جائزة نوبل للاقتصاد وسنكون سعداء إذا منح هذا المرفق العظيم تلك الجائزة".

وأضاف الرئيس، بشأن نجاح جهود تعويم السفينة الجانحة: "إذا كنا بنتكلم على هيئة اقتصادية لها تأثير كبير جدا على التجارة العالمية، أتصور أن الحدث اللى تم خلال الستة أيام اللى فاتوا أكد إن الهيئة تستحق الجائزة دى.. هنبقى سعداء إنهم يدوا الجائزة لهذا المرفق العظيم".

أكد الرئيس عبد الفتاح السيسى، أن الدولة قادرة بشكل كامل على تنفيذ مشروع تطوير الريف المصرى، قائلا: "أنا عاوز أقول على حاجة، اللى احنا هنعمله كله لو فضل على الطوب الأحمر مش هيبان.. يجب على المواطنين المشاركة فى دهان البيوت حتى يشعروا بالتطوير".

وأضاف الرئيس السيسى، خلال مؤتمر صحفى عالمى: "احنا فى مبادرة تطوير الريف مش بنتكلم فى صرف صحى فقط.. بل تطوير الريف بشكل كامل يشمل كل أجهزة الدولة.. من اتصالات وشبكات كهرباء ومدارس ومستشفيات.. احنا بنعمل بنية أساسية لنصف مصر.. أو زى ما بتقول الأرقام بنطور نص مصر.. والتحدى مش توفير التمويل".

تطرق الرئيس عبد الفتاح السيسى، إلى حادث تصادم قطارى سوهاج، قائلا: "حادثة القطر اللى وجعتنا كلنا.. ولكن هي عاملة زى ما كلنا بنوضب بيوتنا.. وساعات بنوضب بيت جديد.. واللى بيكون قاعد في شقته وبيوضبه غير اللى بيكون بيودب بيت جديد.. والالفين كيلو بتوع القطار السريع محدش هحس بيهم".

وأكمل الرئيس السيسى خلال مؤتمر صحفى عالمى من قناة السويس: "التطوير على الشبكة القديمة بنعملهم في نفس الوقت عاوز الناس تتحرك على السكة الحديد.. مش تقدر تقول للناس استحملوا لحد لما نخلص.. ولما نعمل ده هيحصل تأخير.. لازم نستحمل.. البديل ايه.. انا بوضح ليكم.. الأنظمة الحديثة قادرة على التأمين في السكة الحديد.. والحتت اللى مش اتطورت العامل البشرى لسه بيدخل وممكن يحصل مشكلة".

واختتم الرئيس السيسى: "لدينا خيارات للتعامل مع تطوير السكة الحديد بشكلها الحالى.. أما التوقف النهائي أو التوقف النسبى أو تفضل زى ما هي ونتحمل الخسائر.. مش أقدر اتحمل الخسائر.. ساعة لما المشروع بشكل كامل يخلص أسالني مسألة سياسية وفنية لما المشروع يخلص.. ومشروع النقل يتكلف 100 مليار دولار .. في كام سنة يا جماعة.. نحط ده .. احنا حاجة حلوة أوى بفضل الله".