علقت نجلاء سامى، أرملة الشهيد عامر عبد المقصود نائب مأمور مركز كرداسة، عن ملحمة الاختيار 2: "أدى اللى نالوا الشهادة بشرف وأمانة وصمدوا قدام الإرهاب الغاشم وحسبنا الله ونعم الله الوكيل.. وبشكر المنتج والمؤلف والمخرج بيتر ميمى ملحمة وطنية، ونقول إحنا ضحينا بالغالى والنفيس ومش خسارة فى مصر".
وأضافت خلال مداخلة هاتفية مع الإعلامية لميس الحديدى عبر برنامجها كلمة أخيرة المذاع على قناة إكسترا نيوز: "الشهيد عامر، كان صايم وقعدوا يعذبوه 4 ساعات ضرب ورصاصة فى رجله وتوسلت له إنه يسيب القسم وهو رفض، وبعد كده خدوه على ناهية وكملت عليه المجرمة والحقيرة سامية شنن، وكان رافض يضرب رصاصة واحدة عشان خاطر ميقولوش وزارة الداخلية بتضرب على المواطنين".
وتابعت: "كان عاوز يشرب ميه ساقته ميه نار للأسف، وكنت بطلب منه يمشى من القسم، وقال: مش عاوز أمشى من القسم، وكان معاه ذخيرة تبيد المنطقة بأكملها، ولكن قال فيه ناس فى المنطقة، وكانوا عاوزين يرفعوا علم القاعدة والشهيد رفض أنه يمشى، وكان مش عاوز يضرب رصاصة، وكان بيقول تعزيزات أمنية وانقطع الاتصال بينى وبينه، كان المجرمين لما بتصل بيه بيكنسلوا عليا، وفى الوقت ده كانوا بيمثلوا بجثة الشهيد".
وأوضحت: "ابنى أحمد كان فى الساحل الشمالى عشان كان بيجيلوا تهديد بالقتل لو ما بقاش تبع الشرعية.. وإحنا خدامين لمصر ولشعب مصر، وكلم ابنه وقال له عاوزك تدعى لباباك وخلى بالك من مامتك، وبقى يقولى ادعيلى وفجاء انقطع الاتصال وشوفت صورته على التليفزيون".
وفى السياق نفسه، قال نجل الشهيد، أحمد عامر: "عشنا الحدث من أول وجديد وشوفنا والدى صوت وصورة، والمسلسل أدانا 10% من اللى عمله والدى واللى حصل فى كرداسة ممكن ياخد أكثر من 30 حلقة.. ووالدى عامر عبد المقصود فى كرداسة أدانا درس كبير، وردود الأفعال كانت قوية، وكان الناس متجمعين فى القهوة وبتعزينى تانى، وأبويا كان بطل ومقدرين اللى حصل وكلنا مبسوطين باللى أبويا عمله، وخلانى النهارده فى وسط ناس يقول لى ربنا يرحم أبوك البطل الشهيد".
أرملة الشهيد نائب مأمور كرداسة: الاختبار 2 ملحمة وطنية.. و"سامية شنن سقته مياه نار وهو صايم"
الأحد، 18 أبريل 2021 12:43 ص
الاختيار 2
كتب محمد شرقاوى
مشاركة
اضف تعليقاً واقرأ تعليقات القراء
الموضوعات المتعلقة
ناقد فنى عن "الاختيار 2": الشركة المتحدة تقدم وجبة دسمة من الملحمة الوطنية
السبت، 17 أبريل 2021 11:38 مأسر شهداء الشرطة بعد الحلقة الخامسة من الاختيار 2 : شكرا للقائمين على المسلسل وثقوا بطولات شهدائنا.. المشاهد الدرامية أعادت للأذهان أوقاتا صعبة عاصرناها.. وزوجة مصطفى الخطيب: قتلوه برصاصة غدر بالمسجد
السبت، 17 أبريل 2021 11:29 ممسلسل الاختيار 2 الحلقة 5 تستعرض فض الداخلية لاعتصام رابعة العدوية.. المسلحون بالاعتصام يبدأون بإطلاق النار والإخوان يردون بحرق كنائس وأقسام شرطة فى مختلف المحافظات.. الاستعانة بمشاهد حقيقية ودمجها مع الأحداث
السبت، 17 أبريل 2021 11:23 ممسلسل الاختيار يستعين بأخبار وفيديوهات اليوم السابع فى فض رابعة .. وأسرة العمل تشكر الجريدة
السبت، 17 أبريل 2021 11:21 ممشاركة