جولة جديدة قمنا بها بواسطة عدسة "اليوم السابع" داخل سوق من أقدم وأشهر الأسواق الموجودة فى مصر والمشهور بتجارة الحيوانات والطيور مختلفة الأشكال والأنواع، فقد عرف رواده موعد فتحه فيستعدون له فجرا..
ونعرض، من خلال أحد رواد السوق ويدعى أحمد الحاوى أنواع المقتنيات التى يبيعها داخل السوق، قائلا، "أنا بأتي السوق هنا الصبح الساعة 6 لأننا بنكون بنحضرله من أسبوع على ما نجهز الحيوانات اللى هننزل بيها وتجيب عين الزبون".
وتابع،"فى ناس فاهمة اقتناء الحيوانات غلط، بمعنى انى بلاقى ناس بتعلق على الهاوى اللى بيشتري الضبى، بما أن عضته فيها بكتريا ومؤذية، ما فى ناس بتربى أسود ونمور وضباع، بس هو الضبى علشان شكله مقزز للبعض فبيستغربوا بيعه واقتناءه من قبل البعض".
واردف،"أنا كمان ببيع ثعابين بس غير سامة وأسعارها على حسب الحجم والنوع، فى بنات بتحب اقتناء الثعابين وبيجوا يشتروا منى، ده كمان فى منهم بيربى وبيجيبلى وأنا اشتريه منهم".
واستطرد،"ببيع ثعالب وديابة وفنك وعقارب وخفافيش، وبالنسبة للصقور فهى من الطيور الجارحة اللى بحب تربيتها وبتتغذى على الفئران والثعابين واللحوم وأسعارها على حسب نوعها وتربيتها محتاجة حد محترف".
