" كان لازم أكمل الحياة بعد وفاة زوجى فلدى بنتين واحدة فى الجامعة والثانية ثانوية عامة وقررت أشتغل عشان الشغل مش عيب بس حاولت أشوف شغل يناسب ظروفى وعملت عربية كبده ببيع فيها سندوتشات كل يوم وبقف زى الراجل وكل اللي بيشوفنى بيشجعنى وبيقولولي أنتى ست ب 100 راجل" هكذا بدأت أم سمر حكايتها مع عربية الكبدة التى بدأت منذ 4 سنوات بعد وفاة زوجها.
وقالت ل" اليوم السابع " بشتغل بعرق جبينى عشان مش عاوز احتاج لأي حد وربنا يقدرنى علي تربية بناتى ويكملوا دراستهم ويتخرجوا من الجامعة وهما فخورين بى وبيساعدونى أوقات فراغهم .
وأضافت أم سمر قبل وفاة زوجى مكنتش بشتغل لكن الظروف اتغيرت وكان لازم أكون أد الحياة واعافر واسعى علي رزقي ورزق بناتي ويومى في الشغل بيبدأ من الصبح لحد المغرب بنزل السوق اشتري الطلبات والخضار وارجع علي العربية اعمل السندوتشات وابيعها وراضية باللي ربنا يرزقنا به.
تم أضافة تعليقك سوف يظهر بعد المراجعة