قدم برنامج راجل و2 ستات المذاع على قناة on، من تقديم الإعلامية شريهان أبو الحسن والفنانة هيدى كرم، والفنان أحمد صلاح حسنى، فقرة خاصة، بعنوان "هل الأعذار بداية نهاية العلاقة بين الراجل والست؟".
وعلقت الإعلامية شريهان أبو الحسن: "الأعذار لو بقت عمال على بطال ولو مش حقيقية مش كويسة، والراجل أكتر حد بيقدم أعذار، ولية الراجل مش بيرد فى لو كان فى الشغل أو فى الاجتماع بخلاف الست ممكن تستأذن وترد على زوجها فى الشغل حتى ولو كانت فى اجتماع".
وعلق الفنان أحمد صلاح حسنى: "ممكن واحد يعتذر والموضوع يعدى ويكرر أكثر من مرة بيعمل مشكلة ما بين الطرفين، والراجل أكتر حد خلاف بيقدم أعذار، بسبب شغلهم وضغوطات الحياة، وفيه فئة كبيرة جدا من الستات مش بتشتغل وربه منزل يعنى مش ليها أعذار".
وعلقت الفنانة هيدى كرم: "الراجل طبيعى يقدم أعذار أكثر ومش شايف إن ده عذر للعذر ومعرض لضغوط الحياة فطبيعى إنه يبقى ده عذر، وفى حين الست لو كرر الاعتذار لأنها مضغوطة برضوا فى الشغل والبيت الراجل هيزهق من الأعذار دى".
وقالت الإعلامية شريهان أبو الحسن: "أجريت دراسة على 138 رجلا وسيدة، عن الحجج المكررة بينهما، وكشفت الدراسة وقت دخول الخلاف ما بينهما تبين أن 54% من الرجال تكون أعذارهم طول الوقت حاضرة ومتواجدة، ومختلفة عن العذر اللى قبله، فى المقابل 33% من السيدات بتستخدم حججا مبتكرة".
وأضافت: "المثل بيقول امشى صح يحتار عدوك فيه.. ومفيش حاجة بوضوح وصدق إلا لما تكون نتيجتها سليمة.. والست هتقول لجوزها مش دورى أنى أنضف البيت.. تعالى ساعدنى فى التنضيف.. أو جيب حد يساعدنا".
وعلق الفنان أحمد صلاح حسنى: "الست بتفكر بزيادة وطبع عندها.. ومينفعش اقعد اتسال طول الوقت، وفيه علاقة بتبقى سؤال وجواب، وده يعمل عند الراجل كبر دماغك.. وقولها الحقيقة وريحها، والسؤال والجواب عمال على بطال بين الطرفين بيعمل جفى وبعد ويبقى حاسين بيه فى البداية ولكن بيتراكم ويعمل مشاكل كبيرة فى المستقبل".
وعلقت الفنانة هيدى كرم: "الراجل ساعات بيلجأ لأعذار كتير قوى بسبب الست لأن هى بتركز فى تفاصيل كتير قوى، وسعات الست لما تحط فى دماغها بتبقى حطاه تحت العدسة المكبرة.. ولو مسكت الراجل هيطلع منه أخطاء ومشاكل".
وقالت الفنانة هيدى كرم: "تكرار الأعذار سواء راجل أو ست شريكة الحياة هيتعاطف كتير وبعد كده هيبطل يصدقك ويبقى فيه مشاكل كتير بعد كده، وخصوص استخدام الاعذار الكتير مش لازم يكون حل وعلى المدى الطويل يحصل خلاف وانفصال العلاقة بينهما، وقبل ما نغلظ ونعمل حاجة تهدد العلاقة دى ونعمل اعذار نفكر كويس لانه بيهد العلاقة والاعذار الصادقة هيحس بيها الطرفين، وساعات الأعذار سطحية وبتهد العلاقة".
وأكدت شريهان أبو الحسن: "فيه الناس بتألف أعذار طول الوقت، طول ما انت مقدر الشخص وله قيمة واحترام مش هتكدب عليها ولا هتقدم أى اعتذار، ومش هيبقى فيه اعذار كتير ولكن الكذب على الطرف الثانى هيبقى فيه مشاكل.
وأشار أحمد صلاح حسنى: "أنا بلتمس أعذار كتير، ولكن الأعذار الكتير هتبوظ العلاقة وبتذبح أى علاقة سواء علاقة أو صداقة والعشم اللى بينك وبينه هتلتمس أعذار كتير وبعد فترة هيبقى فيه بعد بسبب أعذاره الكثيرة والعلاقة هتدمر".
