قال إياد معتز أحد الفائزين بجائزة المبدع الصغير، صاحب تطبيق للعاصمة الإدارية الجديدة، البالغ من العمر 9 سنوات: "التطبيق يتحدث عن جميع معلومات العاصمة بدل ما يدور على النت يقدر يفتح التطبيق، ويختار أى أيقونة ويفتح ويشاهد النص اللى بيكشف عن كل المعلومات اللى محتاجها ببساطة".
وأضاف خلال مداخلة عبر سكايب ببرنامج من مصر المذاع على قناة سى بى يى: "ماما كانت بتساعدنى فى جمع المعلومات والأفكار، والبرمجيات قابلت فيها صعوبات كتير ولكن ركزت كتير جدا لو حاجة بسيطة ممكن التطبيق كله يبوظ".
من جانبها قالت لجين على إحدى الفائزات بجائزة المبدع الصغير، الفائزة بمجال الشعر: "قدمت قصيدة بعنوان أنا بنت مصر.. كنت فرحانة ومبسوطة عشان أخدت الجائزة، بسمع للشاعر أحمد فؤاد نجم والجخ، وكل أشعاري متنوعة وعندى قصيدة "أوعد يامصر بكرة بان الوعد دين".
بينما قال مبروك حسين أحد الفائزين بجائزة المبدع الصغير، عن رسمته للشهيد أحمد المنسى: "رسمت الشهيد وعاوز أدخل كلية فنون جميلة.. الدار اللى أنا فيها بيقدموا ليا كل حاجة وبيساعدونى فى كل حاجة".
من جهته قال يوسف حسين أحد الفائزين بجائزة المبدع الصغير الحائزة على جائزة الغناء: "سعيد بالجائزة وتقدمت لأكثر من مسابقة غنائية، وتعلمت الغناء من والدى وأخويا لأنهم منشدين ولذلك أحببت الغناء، ووالدى هو اللى اكتشف موهبتى وساعدنى فى تطويرها.
