علقت الفنانة هيدى كرم، على من يشعر بموعد الانفصال أسرع الرجل أم المرأة، قائلة: "الست أما بتحب وتحس إن العلاقة دى نهايتها الانفصال بتضحك على نفسها.. لكن الراجل مش بيضحك على نفسه.. والراجل فى الوقت ده بياخد قرار وييجى على نفسه وينفصل وفى هذا الرجل أقوى من الست فى الانفصال".
وأضافت خلال برنامجها راجل و2 ستات المذاع على قناة on، تقديم الإعلامية شريهان أبو الحسن: "الست بتكمل العلاقة مع الشخص عشان بتحبه وعندها أمل فى التغيير".
وعلقت الإعلامية شريهان أبو الحسن، قائلة: "التغيير فى الحاجات الجذرية دى غالبا مش بتحصل من أى طرف من الطرفين أثناء الارتباط.. ودراسة أجريت على من يشعر بموعد اقتراب الانفصال بين طرفين فى أى علاقة وتم تجربتها على 6 آلاف مستخدم لرسائل الدردشة على مواقع التواصل الاجتماعى، وتبين أن وقت الأزمات العاطفية اكتشفوا استخدام صياغة مختلفة فى الكلام.. وقبل الانفصال بـ3 أشهر اتضح أن هناك تغييرا فى الكلام بين الطرفين".
وعلق الفنان سامح حسين: "مرحلة الارتباط لو البنت حاسة إن العلاقة مش هتستمر وهما عارفين ده كده بس هما مكملين.. وغالبا الراجل بيبقى هو اللى عارف انه قاربنا على مرحلة الانفصال".
وعلقت الإعلامية شريهان أبو الحسن، على من يشعر بموعد الانفصال أسرع الرجل أم المرأة، قائلة: "على حسب الموقع ومين شايل من مين، وكل طرف بيجى له أحاسيس مش هيكمل فى العلاقة.. لأنه مش مبسوط ومش مستريح".
وأضافت خلال برنامجها "راجل و2 ستات" : "الطرف بيكون حاسس أن العلاقة مش هتكمل.. وساعات بحس أن الطرفين حاسين بس خايفين يعترفوا".
وعلقت الفنان هيدى كرم : "الراجل أما بيحس إن الست مش عايزة تكمل مش بياخد ناحيته أى موقف، لو هو شايف انه الانفصال قرب بيقول الست هتروح فين بالعيال وهتصرف من فين عليهم وعلى نفسها".
وتابعت: "الراجل بيبقى حاطط فى بطنه بطيخة صيفى والست تقول الحياة صعبة ومش هعرف أخد قرار، والراجل بيعرف الأول، والطرف اللى مش مبسوط فى العلاقة هو اللى بينفصل الأول".
من جانبه روى الفنان سامح حسين تجربته فى السفر إلى مرسى علم: " البحر الأحمر اطّعم وأخدوا اللقاح.. والجو عظيم هناك.. وكنا معتقدين إن الدنيا هتبقى حر ولكن المياه هناك دافئة وجميلة.. والفندق اللى حجزت فى 90% اللى هناك أجانب.. وطريق الجلالة عظمة واختصر الطريق وأمان".
تم أضافة تعليقك سوف يظهر بعد المراجعة