تحدث محمد بسام، حارس مرمى نادي طلائع الجيش، عن لقطة الأهلي المثيرة في مباراة طلائع الجيش وإخراج الكرة من على خط المرمى.
وقال بسام في تصريحات تليفزيونية: "ملحقتش أشوفها والله لإني كنت راجع بضهري، ولما شوفت اللقطة بعد المباراة تأكدت إن لازم نطبق تقنية خط المرمى".
وأضاف: "في كورة اتحسبت عليا زي دي بالظبط ومكانتش هدف والمرة دي متحسبتش، احنا من بعد مباراة المحلة وطلائع الجيش مبقاش حد يحسب الكورة دي غير لما يبقى متأكد 100%، ولو الكورة 100% جول كانت هتتحسب أكيد".
كما تحدث إسلام جمال مدافع طلائع الجيش عن اللقطة المثيرة للجدل في الشوط الأول من مباراة الأهلي، مؤكدا: "احنا راضيين بالتعادل من الأهلي وعملنا مباراة كويسة".
وتابع: "بصراحة أنا مشوفتش الكورة لحد دلوقتي ومعرفش هي هدف ولا لأ، وأنا على طول بعمل الحركة دي مع محمد بسام، بغطي من وراه لو هيطلع ولعبت على التوقع ده".
وواصل: "الحمد لله شيلت الكورة بنجاح، والله فعلًا لحد دلوقتي مشوفتش الكورة ومعرفش هي دخلت ولا لأ، لو الكورة كانت دخلت كانت جت في العارضة".
