محمود ياسين "جونيور": جدتى "شهيرة" تتابع كل أعمالى ومعجبة بدورى فى "زى القمر"

كشف محمود عمرو محمود ياسين أن الجمهور لازال يشعر باللغط كون اسمه هو نفس اسم جده الراحل محمود ياسين، قائلاً: الناس لسه مش مستوعبة أن فيه حد تانى اسمه محمود ياسين ولسه بتتلخبط بين الجد وأنا وده حقهم طبعاً لأنه لن يتكرر عشان كده بقوا بيحطوا كلمة محمود " جونيور " وخلاص قبل اسمى.

وتابع فى لقاء خلال برنامج " كلمة أخيرة " الذى تقدمه الاعلامية لميس الحديدى على شاشة " ON قائلاً : " أتمنى تكون 2022 أفضل من سابقتها خاصة أن وضع كورونا تحسن فى 2021 فاتمنى العام الجديدى الدنيا تبقى أفضل.

وكشف أنه تعرض لهجوم " السوشيال ميديا " مع أول عمل يقوم به فى نصيبى وقسمتك قائلاً : " أول مانزل البوستر ومن قبل ماامثل دخلوا كتبوا مابيعرفش يمثل ؟! وكان نفسى أسأله شفتنى فين ؟!"

وكشف أن أفضل يوم له فى عام 2021 كان مشهد قتله الذى تحول لتريند فى مسلسل إلى مالوش كبير وأن العمل رغم أنه من كتابة والده إلا أن ترشيحه للدور كان من ياسمين عبد العزيز قائلاً : " دورى ده أهم دور فى أعمالى أخدت فيه مساحة أكبر وعلم مع الناس وانبسطوا بيه "

واصل : مكنتش متخيل أنى أنجح كده لحد النهاردة النا س بتقابلنى فى الشارع فاكرين دورى فى مسلسل إلى مالوش كبير "

 وذكر أنه شارك فى أعمال أخرى مهمة بعد ذلك تتناول قضية مهمة مثل حقوق المرأة بعد الطلاق والهجرة غير الشرعية فى عملى "أم العيال " وزى القمر قائلاً : " الناس بتقلى أنت ليه كل شوية تموت فى الأدوار ؟! بقلهم مش ذنبى "

وعن ردة فعل جدته الفنانة " شهيرة " قال : بتتابعنى ومعجبة بى وبتكلمنى فى كل تفصيلة لدرجة أنها بتشاهد السوشيال ميديا وتتصل بى وتقلى محمود فيه حد كتبلك " كومنت " رد عليه عيب. "

واستطرد : " جدتى أعجبت بدورى فى زى القمر وكلمتنى وعيطت وقلتلى مش عارفة بعيط عشان حلاوة الدور ولا إنت صعبان عليا ؟ ولا عشان كان نفسى جدك يشوفك.