وجهت الإعلامية لميس الحديدى رسالة للدكتور عبد المنعم السعيد عضو مجلس الشيوخ بعد فقده لنجله شادى قائلة: "بتكون متخيل أن ابنك هو اللى هياخد عزاك، وأصعب شيء إنك تقف تاخد عزاه، وشادى اعتمد على نفسه ولم يعتمد على اسم والده.
تابعت خلال تابعت خلال برنامجها "كلمة أخيرة" المذاع على شاشة "ON" قائلة: ربنا معاك وأنت معاك دلوقتى رسالة مع أولاده اللى محتاجين والد ومش هيكون فيه والد أحسن منك.
وفى رسالتها للراحل الاعلامى وائل الابراشى قالت: " من الصعب عليا أنعى زميل فى قيمة وحضور وائل الإبراشى.. وفاته كانت صدمة وكنا متوقعين إنه يرجع قريب، وكان عنده أمل وبيقول للناس إنه راجع، وآخر مرة بعتله رسالة قولتله خلاص هانت.. وخبر وفاته نزل علينا كالصاعقة.
واصلت: "عندى إحساس إنه اتوفى لما فقد الأمل إنه يرجع الشغل، ولما فقد الأمل إنه يرجع فقد الأمل إنه يعيش لأن الشغل بالنسبة لجيلنا مش وظيفة ولكنه النفس اللى بنتنفسه وهو الحياة والصحافة مش مصدر رزق ومرتب ولكنها النفس اللى بناخده".
وذكرت أنها لن تدخل فى الجدل الدائر حول سبب وفاة وائل الإبراشى، قائلة : " التحقيقات مهمة ولكن النتيجة واحدة لأننا فقدنا الصحفى الدؤوب والمذيع ملك المناظرات الساخنة، ولن يملأ مكانه أحد.
تم أضافة تعليقك سوف يظهر بعد المراجعة