حالة من البهجة والفرحة تشاهدها بمجرد أن ترى هؤلاء الشباب في الشوارع ، يمسكون في أيديهم وجبات طعام وبلالين وهدايا، هدفهم الوحيد هو إسعاد غيرههم من خلال توزيعها في الشوارع وخصوصا للمرضى والأطفال.
مصطفى عبد الوهاب واحد من هؤلاء الشباب، قرر أن يسعد ويساعد المرضى في توفير وجبات غذائية لهم، فلم يكن هو وأصدقاؤه فقط ولكن والدته أيضا هي من تقوم بإعداد هذه الوجبات مع المتطوعين رغم سنها الكبير، ولكن لم تيأس أو تتعب في يوم من الأيام.
وقال مصطفى لـ "اليوم السابع"، "فكرة توزيع الوجبات جتلى لما حسيت إن المرضى قدام المستشفيات بييجوا من أماكن بعيدة ومعاهم أطفالهم مرضى وحالتهم صعبة، فقررت إن لازم يكون لينا دور في توفير الطعام المناسب لهم وتوزيعه عليهم، وبكدا نكون وفرنا عليهم شيء أساسي في يومهم".
وأضاف،" مش بس توزيع الوجبات لكن بنقدر نرسم البهجة على وشوش الأطفال المرضى وتوزيع البلالين والهدايا عليهم وبنعمل كمان دعم نفسي للأسر والأهالي عشان يقدروا يكملوا ويعدوا اللى هما فيه.
وتابع "الحمد لله أنا اتعلمت الخير من أمى هي بتساعدنى في عمل الخير وهى اللى بتطبخ بنفسها مع المتطوعين وزى ما بتعملنا في البيت بتعمل وجبات للمرضى، وان شاء الله ناوى اكمل في طريق الخير".
تم أضافة تعليقك سوف يظهر بعد المراجعة