- الممثل المصرى العالمى زيكو زكى: بدايتى الفنية بدور إرهابى قبل بطولة مسلسل "FBI".. وقدمت دور الشرير فى Escape Plan 2 مع سيلفستر ستالون
انفرد تليفزيون اليوم السابع بأول حوار تليفزيونى مع الممثل المصرى العالمى زيكو زكى، بطل المسلسل الأمريكي "FBI"، واللقاء أعده رامى نوار وقدمته شروق وجدى، وهو أول حوار لوسائل الإعلام العربية والمصرية.
وقال زيكو زكى، الممثل المصرى العالمى بطل المسلسل الأمريكي "FBI"، خلال اللقاء الحصرى لتليفزيون اليوم السابع، إنه ولد فى محافظة الإسكندرية وسافر مع عائلته إلى الولايات المتحدة الأمريكية، موضحاً أنه بدأ التمثيل فى الجامعة وبعدها كومبارس فى عدد من الأعمال الفنية حتى أصبح بطل أشهر الأعمال الفنية فى هوليوود.
وعن اختياره بطلا لمسلسل FBI قال الممثل المصرى العالمى زيكو زكى: "لما بدء الكاستينج للدور، كان دورى مخصص لشخص لاتينى، وفجأة وقع الدور عليا عشان أكون أول مسلم مصري عربى يكون بطل المسلسل، ودى كانت المرة الأولى اللى يحصل فيه شخص عربى على دور كبير فى الأعمال الفنية الكبيرة، والدور كان به عدد كبير من الكلمات باللغة العربية عشان أقدمها بنفسى، وحقيقى ماكنتش مصدق إنى هكون بطل للمسلسل".
وتابع زيكو: "بعدما قدمت أدوارا صغيرة مكنتش هتخيل إنى أقدم بطولة أعمال كبيرة فى هوليوود، وكنت بدأت أفقد الأمل، وقررت أشتغل فى العقارات لأن والدى كان دايماً بيكملنى عن عالم العقارات، ثم فجأة تحول الموضوع بعد فترة من تجارب الأداء اللى قدمتها فى مسلسل FBI، وبعدها بدأ التحول الكبير فى مسيرتى الفنية، وبعد تجارب الأداء سافرت إلى نيويورك لتقديم الأداء التجريبى للمسلسل الأمريكي الشهير، ثم رجعت تانى على لوس أنجلوس، وانتظرت 5 أيام، وبعدها مدير أعمالي كلمني، وقالى إنى حصلت على دور البطولة فى مسلسل FBI، ولحد دلوقتى مش قادر أنسى اللحظة اللى جات لى فيها المكالمة، لأن وقتها والدى كان فى المستشفى وساعتها اتحسن واتبسط كتير لما قلت له إنى حصلت على الدور ونجحت".
ورد الممثل المصرى العالمى على سؤال هل يتشابه شخصيته فى مسلسل FBI لشخصيته فى الحقيقة، قائلاً: "أنا مصري مسلم وفى نفس الوقت أقوم بالتمثيل فى أمريكا، والدور الذى أقوم بتمثيله قريب من شخصيتى الحقيقية لدى مبادئ وأخلاق تعلمته من دينى، وقدمت صورة عن الإسلام الحقيقى البعيد كل البعد عن الإرهاب فى مسلسل FBI، وكنت بدافع عن الصورة اللى بيتم تقديمها عن العرب والمسلمين، وده ساهم فى تغيير الصورة السلبية المأخوذة عن العرب".
وكشف الممثل المصرى العالمى زيكو زكى تفاصيل مشاركته مع النجم العالمى سيلفستر ستالون فى "Escape Plan 2"، قائلاً: "قدمت دور الشخص الشرير فى هذه الفيلم، وكان شرف كبير ليا إنى أشارك مع سيلفستر ستالون، والحقيقة الفيلم ده كان تجربة مهمة ليا رغم إن الدور مكنش كبير، وأنا شخصياً بحب أتفرج على أعماله".
وكشف زيكو زكى الممثل المصرى العالمى زكى بطل المسلسل الأمريكي "FBI" تفاصيل أعماله الفنية القادمة، قائلاً: انتهينا من تصوير جزأين من مسلسل FBI، وأنا فى الفترة القادمة متحمس لتقديم أفلام جديدة، وأحلم بتقديم شخصية "بات مان" وكمان حلمى أكون بطلا لأفلام سلسلة الخارقين اللى بتقدمها (مارفل)، وإن شاء الله ده ممكن يحصل خلال السنوات الجاية".
وأكد الممثل المصرى العالمى زيكو زكى أنه كان يستمع للموسيقى العربية منذ سنوات ويحب الاستماع للنجم عمرو دياب ونانسى عجرم وسميرة سعيد، مضيفاً: "أنا بحب كل الأكلات المصرية مثل البامية والملوخية، لكن أنا مش بعرف أطبخ، والدى شاطر جداً فى الطبخ، وقريب إن شاء الله هزور مصر عشان أشوف التطور اللى حصل فيها، هزور الأهرامات والمتاحف وهزور محافظتى الإسكندرية، لأن العائلة كلها بتتجمع فى إسكندرية".
ووجه الممثل المصرى العالمى زيكو زكى نصيحة مهمة للشباب الذى يحلم بالتمثيل فى هوليوود، قائلاً: "أكبر نصيحة أقدر أقدمها اعرفوا إن هوليوود محتاجة لكم، عشان تحكوا قصصكم للعالم، الكل نفسه يشوف التغيير، ولازم تعرفوا إن مفيش حلم أكبر مننا، وده سبب وجودي معاكم النهاردة فى تليفزيون اليوم السابع، عشان أحكى قصى لكل الشباب اللى بيحلم".
لمشاهدة اللقاء كاملاً باللغة الإنجليزية عبر قناة اليوم السابع على اليوتيوب
تم أضافة تعليقك سوف يظهر بعد المراجعة