الرئيس السيسي: "كل واحد بيشتغل معايا بيطحن نفسه علشان نعمل حاجة للبلد"
الرئيس السيسي: يابتوع الاقتصاد قولوا لى أعمل فلوس من أى حتة غير إنى أنصب أو أخطف
الرئيس السيسي: "إحنا نجوع ونعمل سكن لائق لأولادنا اللى فى المناطق الخطرة"
الرئيس السيسى: البلد بتاعتنا كلنا.. ونتيجة المؤتمر الاقتصادى تجعلنا ننفذه سنويا
الرئيس السيسي: فلوس قناة السويس الجديدة كانت متوفرة لكن حاولنا نخرج الناس من الإحباط
الرئيس السيسي: الدولة ملتزمة بتنفيذ توصيات المؤتمر الاقتصادى
الرئيس السيسي: لا أعتبر نفسى رئيسا لمصر.. أنا إنسان تدخلت لحماية وطنى
الرئيس السيسى يوصى بعقد المؤتمر الاقتصادى سنويا
الرئيس السيسى: فكرة الحوار الوطنى ليست سياسية فقط.. بل لنتواصل رغم الاختلافات
الرئيس السيسى: لم نطرح الحوار الوطنى فى اتجاه واحد.. وكل اللى عاوز يتكلم يتكلم
الرئيس السيسى عن المؤتمر الاقتصادى: "المرة الجاية عايز شباب يزعقولنا وإحنا ندافع"
الرئيس السيسى يوجه بتنظيم مؤتمر للأديان.. ويؤكد: "كل واحد بعقيدته"
الرئيس السيسي يكلف جهاز المشروعات الصغيرة بتكثيف جهود تشغيل الأسر الأكثر احتياجا
أشاد الرئيس عبد الفتاح السيسى، رئيس الجمهورية، بالحوار والمناقشات التي تمت خلال المؤتمر الاقتصادى الذى تختتم فعالياته اليوم، الثلاثاء، بالعاصمة الإدارية.
وأوصي الرئيس السيسى بانعقاد المؤتمر الاقتصادي سنويا، مؤكدًا على تنفيذ جميع مخرجات المؤتمر.
وأكد الرئيس عبد الفتاح السيسي، أهمية الحوار الوطني في التواصل بين الجميع، قائلا: "أنا سعيد بالنقاش والحوار الذي تم في المؤتمر الاقتصادي على مدار الثلاثة أيام الأخيرة، ولكن عندما أطلقنا فكرة الحوار في أبريل الماضي، وقلنا لازم نتكلم مع بعض، كثير من الناس تصوروا أن الموضوع سياسة.. ولكن الهدف إننا نسمع البعض بشكل أكبر في ظل الظروف والتحديات الموجودة في العالم وبلدنا، على الأقل يبقى فيه تواصل ما بيننا، علشان نشوف مع بعض، حتى بالرغم من الاختلاف".
أضاف الرئيس السيسي فى الجلسة الختامية: "كل الموضوعات اللي اتكلمت فيها متصلة بالاقتصاد، هل البيئة السياسية الموجودة في الإقليم وحتى في مصر تسمح لنا أن ننفذ كل ما نتمناه بغض النظر عن صحته، كل المقترحات التي ذكرت أي طالب في كلية السياسة والاقتصاد يتكلم فيها، أوعى حد يزعل مني، ولكن كل الكلام التي تم التوافق عليه إحنا ملتزمين إننا نعمله لأننا ما عملناش الحوار ده علشان نستهلك وقت".
وتابع الرئيس في حديثه عن المؤتمر الاقتصادي: "الفعاليات اللي اتعملت كلام محترم ومقدر من كل اللي قالوه، وكل التوصيات المتوافق عليه هنعملها".
وتحدث الرئيس عبد الفتاح السيسي، خلال فعاليات ختام المؤتمر الاقتصادى، عن الحوار الوطني، قائلا: "لما اتكلمنا عن الحوار الوطني.. الحوار الوطني لم يكن في اتجاه محدد.. وقولنا نطرح كل القضايا.. وكل الجهات اللى عاوزه تتكلم تتكلم.. مش سياسي بس.. اقتصادي واجتماعي وإعلامي وديني كمان.. وانا أتصور قبل ما نقول ان انهينا موضوع الحوار الوطني بشكل متكامل نستفيد من كله".
وأضاف الرئيس السيسي، خلال كلمته في الجلسة الختامية في المؤتمر الاقتصادي: "عاوزين نعمل حاجة تانية زي المؤتمر الاقتصادي في الملفات التانية".
ووجه الرئيس عبدالفتاح السيسى بأن يكون المؤتمر الاقتصادى منصة اقتصادية مستقرة تلتقى كل سنة، مضيفا: "نقول كشف حساب، وأنا كحكومة وقيادة يجيلى دوريات كل 3 شهور بالإنجاز اللى إحنا بنحققه".
وأضاف الرئيس السيسي خلال الجلسة الختامية للمؤتمر الاقتصادي مصر 2022: "معملناش الحوار ده علشان نستهلك وقت وجهدكم وجهدنا وبعدين خلاص.. لا، الفعاليات اللى اتعملت والكلام اللى اتقال محترم مقدر، وملتزمون بتنفيذ التوصيات اللى تم التوافق عليها.. طيب لو الحكومة قابلت مشاكل وأكيد هتقابل، لابد يكون آليات المؤتمر مستقرة ومؤسسية وتكون موجودة مع الحكومة بشكل مستمر..علشان وإحنا متحركين في تنفيذ التوصيات قابلتنا مشكلة نتكلم فيها".
وتابع الرئيس السيسي: "بالإضافة إلى التزامنا بتنفيذ التوصيات محتاجين منصة الحوار ومتفق معاكم يبقى المؤتمر يتعمل كل سنة، وافتكروا من 5 سنين أو أكتر كنا حريصين نعمل منصة حوار ومؤتمر للشباب يتم تناول قضايا الدولة ونجحنا في المحافظات كمان، وجت كورونا والظرف الأخير و 3 سنين مقدرناش نكمل بنفس المستوى".
وأكد الرئيس عبد الفتاح السيسي، أنه عند المشاركة فى المؤتمرات واللقاءات المختلفة لا يتحدث باعتباره رئيس مصر، قائلا: "انا مش بشارك كرئيس مصر.. وبالمناسبة ولما بقول الكلام ده الناس تفكر إننى بدغدغ مشاعر الناس.. انا مش بعتبر نفسي رئيس لمصر".
وأضاف الرئيس السيسي، خلال كلمته في الجلسة الختامية للمؤتمر الاقتصادي: "انا إنسان طلب منه التدخل لحماية وطنه.. طب والله انا صادق.. أصل أدبيات الرئيس حاجة وأدبيات المواطن حاجة.. وأدبيات الرئيس حاجة.. وأنا مش عاوز يعيش وخلاص".
وتطرق الرئيس عبدالفتاح السيسي لمشكلة الزيادة السكانية قائلا: "الزيادة السكانية عبدالناصر والسادات ومبارك الله يرحمهم اتكلموا فيها ومحدش حلها.. طيب ليه متحلتش.. يا ترى المؤسسات الدينية والتعليمية اشتغلت لحل هذا التحدى، كعقبة أمام نمو هذه الامة ولا لأ؟ هل رجال الدين عملوا كده؟، أنا عارف إن الله هو الرزاق بس في كل الفهم للأحاديث والنصوص بنتكلم في إطار قدراتك مش في إطار قدرات الآخرين، والدولة لأنها مش مسؤولة ومش من الصح إنها تصرف على الأسر، ده معناه دعوة لـ"لأ" مقصدتش كده.
أضاف الرئيس خلال الجلسة الختامية للمؤتمر الاقتصادي مصر 2022: "يا ترى كل اللى احنا قولناه هيقدر يلبي، وعمل قوة دفع هائلة لقدرات مالية للدولة تجابه ده؟ هقول نظرية متفائلة كل اللى انتوا قولتوا طبقناه إذا ملقتش دخل الدولة بيقفز ويتضعاف كل 3 أو 4 سنين على الأقل.
مازح الرئيس السيسي الدكتور مصطفى مدبولي قائلا: "اكتر واحد بيقاسي معايا هو الدكتور مصطفى، وكبرته قبل أوانه".
تابع الرئيس: "اللى احنا فيه صعب قوي.. والرقم اللى انتوا جايين فرحانين بيه قوى والدكتورة هالة عندها ابتسامة جميلة أقولها يا دكتورة مش عاوزين نضحك قولولى كلام يقدر يحل أزمة البلد دي ويطلع بيها لقدام ويبقا ليها مكانة وسط الأمم..اوعوا تفتكروا إن اللى بينجح ويجيب 90 % في الثانوية العامة كده، لازم يذاكر ويشقا ويتحرم من الراحة وكل حاجة علشان يجبب النتيجة دي..عاوزين البلد تطلع لقدام لازم كلنا نحشد ونشتغل".
وأكد الرئيس عبد الفتاح السيسي، أنه يتابع كل شيء عن الدولة المصرية، متابعا: "أنا بسمع عن البلد دي من 50 سنة.. من أيام كتابات محمد حسانين هيكل في الأهرام "بصراحة"، ويطلع تاني يقولها آخر اليوم علشان لو محدش قرأ.. وبالتالي السياق الفكري للدولة كان ماشي في مجاله.. طب اللى بيكتب مقالات دلوقتي اطلع حطها قدامك واقرأ المقالات.. علشان نولد فهم.. أقل حاجة نعملها".
وأضاف الرئيس السيسي، خلال كلمته في الجلسة الختامية للمؤتمر الاقتصادي: "الرصيد اللى بتكلم عليه كأداة تحقيق أهداف صعب تنفيذها.. خلاص الجيل اللى كان موجود في 2011- بقي عنده 20 سنة.. وعاش التجربة المريرة.. واللى عنده 10 سنين لما الشباب ده يكبر.. اللى شافوا مظاهرات وخراب للبلد على مدار سنتين ونصف.. طب الصغير اللى كان عنده 6-7 سنين مش يعرف ده.. هيقولك البلد دي فين.. فين المستقبل.. ده اللى بتكلم فيه.. كبيئة سياسية واقتصادية واجتماعية إعلامية ودينية وثقافية.. حتي الدينية .. يجي يقول لي مش تدخل الدين معانا علشان مش يتقال أنه مع الحاكم.. والله ما عاوزك تبقي معايا ولا معاها.. عاوزك تبقي مع الحق الرشيد والفهم الرشيد.. نبقي قاعدين ونقول مش بتطلع لقدام ليه.. طب مش طلعت قبل كده ليه.. دروس واعبر .. ينفع نردد ما يقوله الآخرين".
ووجه الرئيس عبد الفتاح السيسي، بالبدء الفوري لوضع السياسات والتشريعات اللازمة لتنفيذ توصيات المؤتمر الاقتصادي ونصائح الخبراء الاقتصاديين لتكون خارطة طريق لمسار الاقتصاد المصري خلال السنوات المقبلة، مع توجيه الحكومة بإجراء تقييم شامل بشكل دوري للإجراءات المتخذة للتأكيد على فعاليتها.
ووجه الرئيس السيسي الحكومة خلال كلمته بختام المؤتمر الاقتصادى – مصر 2022، قائلا: "أوجه الحكومة بالعمل على عدم تحميل المواطن لأعباء إضافية خلال الفترة المقبلة نظرا للظروف الاقتصادية العالمية، ومن ضمن المسار اللي قلنا هنمشي فيه قلنا هنعمل فرص عمل في كل حتة في الدنيا، تجتذب طبقات بسيطة ومحدودة، وشغالين في الكلام ده من 7 سنين، ومش أقل من 5 لـ6 مليون إنسان شغالين على الأراضي المصرية".
وتابع الرئيس السيسي: "الواقع الموجود في العالم تأثيره سلبي جدا على كل الدنيا، والشعوب بتعاني، وإحنا في مصر حالتنا مش هتتحمل ضغط أكتر من كده، بل بالعكس هتحتاج مننا نزود مظلتنا للحماية الاجتماعية في المرحلة الموجودين فيها حتى نخف على المواطنين تداعيات الأزمة دي، بذلك أوجه الحكومة بتعزيز مظلة الحكومة لتخفيف تداعيات الأزمة الاقتصادية العالمية على المواطنين، وتوفير أقصى درجات الدعم والمساندة للفئات الأكثر تأثرا".
وتحدث الرئيس عبد الفتاح السيسي، عن رؤيته للتنسيق بين الجهات الحكومية فيما يخص الإنفاق على المشروعات المختلفة، قائلا: "المهندس شريف إسماعيل كان رئيسا للوزراء.. وزير المالية كان الدكتور هانى قدرى.. وجم قعدوا معايا.. والدكتور مصطفي مدبولي كان وزير الإسكان وقتها.. قالوا ناخد الفلوس بتاعت هيئة المجتمعات العمرانية.. وأنا بقول للمفكرين الاقتصاديين.. قولت لا الفلوس تفضل مع هيئة المجتمعات.. ويكونوا مسئولين عن كل مشروعات النبية الأساسية.
وأضاف الرئيس السيسي، خلال كلمته في الجلسة الختامية للمؤتمر الاقتصادى: "لما جينا نعمل "حياة كريمة" دي بتتكلف عشرات المليارات.. نقول مئات المليارات.. كانت ممكن تروح لوزارة المالية وتخيص تاني.. مش لقيت ده بالمسار اللى فات ده ناجح.. يزعل منى الدكتور معيط.. اسيبه يطحن نفسه وده يطحن نفسه علشان نعمل".
وقال الرئيس عبد الفتاح السيسي، أنه أصر على تخصيص صندوق لهيئة قناة السويس، قائلا: ""قولت الفلوس الزيادة اللى بتيجي لهيئة قناة السويس.. تعمل صندوق وتحط الفلوس.. ومش تصرف إلا لما أقول أه.. هي كده.. طب الصندوق فيه كام".
وأضاف الرئيس السيسي، خلال كلمته في الجلسة الختامية للمؤتمر الاقتصادي: "الدكتور معيط والدكتور مصطفي.. قالوا ده كلام.. دول 80 مليار جنيه حتى الآن ولسه بنقول يا هادي.. خلال سنتين يكون عندنا حوالي 200-300 مليار جنيه.. القيمة المالية .. يا بتوع الاقتصادات قولولي أفكار.. أعمل فلوس من أي حتة.. غير إنى انصب على حد.. أو أخطف من حد".
وتحدث الرئيس عبد الفتاح السيسي، عن بناء وتجهيز العاصمة الإدارية الجديدة، قائلا: "العاصمة الإدارية.. اتبنت منين.. ليه مش مصدقين وزيها و10 كمان منين.. طلب النمو عليها على الأقل.. مليون شقة في السنة.. نصفهم في الريف ونصفهم في الحضر".
وأضاف الرئيس السيسي، خلال كلمته في الجلسة الختامية للمؤتمر الاقتصادي: "طب اللى بقوله ده.. هل القطاع الخاص فيه شكل مزاحمة؟.. حجم المطلوب ضخم جدا.. والبعض مش هيكون اقتصادي ليك.. طب تعمل للمناطق الخطرة.. طبعا.. طب اسيب ابني وبنتي في الشارع كده.. والله بتكلم بجد.. مش نأكل ونعملهم.. المساعدة مهمة.. وربنا هيساعدنا زي ما بنساعد المحتاجين والفقراء".
وقال الرئيس عبد الفتاح السيسى، إنه يتم الاستجابة لكل المستثمرين، فنحن معكم واحنا بيكم هنطلع للأمام.
وأضاف الرئيس السيسى، خلال المؤتمر الاقتصادى، موجها حديثه للمستثمرين: أرجو ألا يكون محصلة الكلام الذى قتله لا تشجعك ،لا، بل هي بلدنا كلنا، فهذه البلد ليس بتاعتى أو بتاعة الحكومة لكن بتاعتنا كلنا.
وتابع الرئيس السيسى:نتيجة المؤتمر الاقتصادى تجعلنا ننفذه سنويا هو ومؤتمرات تأخرها خلونا نتقابل ونتكلم وكل واحد يقول اللى عنده.
وقال الرئيس عبد الفتاح السيسي، خلال كلمته في الجلسة الختامية للمؤتمر الاقتصادى مصر 2022: "قولت لرئيس الهيئة الاقتصادية لقناة السويس معاك كام.. قالي مش معايا.. على فكرة المليارات عندى ملهاش قيمة لأن الحلم كبير أوى.. قولتله شوف.. إحنا لما عملنا قناة السويس الجديدة.. علمنا المشروع ده ووفرنا الـ 68 مليار جنيه بتوعهم".
وأضاف الرئيس السيسي: "والله العظيم والله العظيم.. الـ68 مليار جنيه كانوا موجودين.. ولكن بعد حالة اليأس والإحباط نتيجة للأحداث من عام 2011.. قولنا نعمل حاجة للرأى العام".
وقال الرئيس عبد الفتاح السيسى خلال كلمته بالمؤتمر الاقتصادى مصر 2022: "المرة الجاية أريد شباب هنا ويتهمونا ويزعقولنا، قول وإحنا ندافع، فهذا حقهم علينا بدل ما يزعقولنا فى الشارع".
وأضاف الرئيس السيسى: "الشباب برضوا خايفين إننا نضيعهم، يقولون بكرة بتاعنا، بكرة بتاعكم خلص، فلابد أن نسمع لهم".
وتابع الرئيس السيسى: "كل التقدير والاحترام لكم وخطواتكم عزيزة علينا وعلى مصر، وكل كلمة قولتوها وكل فكرة طرحتموها مقدرة ومقبولة ونرجو من الله عز وجل أن يجزيكم عنها خير، وأن يكون المؤتمر مقدمة لنجاح الدولة المصرية أكثر معا نستطيع".
ووجه الرئيس عبدالفتاح السيسي، بتنظيم مؤتمر للدين، قائلا: "عملتوا الحوار الوطني وشغالين فيه وبقولك يا دكتور ضياء تاني بطلب منك بقا كمل وهات مؤتمر للدين ونقعد بقا ونتكلم بمنتهي الصراحة اللى رافض واللى هيتهمنا بإننا مش مسلمين ومش متدينين هاتوا ده وهاتوا ده، لازم نعمل الحوار ده يا دكتور ضياء.. بتكلم إسلام ومسيحية".
أضاف الرئيس السيسي خلال الجلسة الختامية للمؤتمر الاقتصادي مصر 2022: "مش احنا هنا مواطنين كلنا.. كل واحد بعقيدته.. حتى اللى بيقول مفيش.. قول.. هو أنا خايف تقول كده حد يجي معاك؟ .."العزيز" تجيلوا زاحف مش أذوقك عليه.. عرفتوا ليه بنختلف مع التيار.. ربنا أعز وأكرم من كده.. وأنت تجرى عليه تجرى على الخير كله.
دعا الرئيس السيسي إلى فتح مجال النقاش بهذه القضية، معلقا: يبقا افتح المجال لنقاش حتى لـ "اللى بيقول" لأ مفيش.. قال عنك من ألف سنة إن مفيش.. ولابد من الفهم والنقاش الدينى المتعمق".
تابع الرئيس: "المفروض إن بفضلك يا رب يبقا التجربة والمسار عبارة عن نموذج للناس بتعيش وبتتكلم مع بعض ازاى؟.. نسمع ويجى فى التليفزيون يقول كده؟ أيوه يقول كلام مش لطيف؟ ما يقول مش رأيه.. يبقا لينا كلنا.. محتاجين نكمل على اللى احنا بنعمله من غير تأفف للآخر، اللى هما مهتمين فى الإسلام والمسيحية ويرد عليهم متخصصين فى كل شيء سواء مؤسسات دينية مفكرين متخصصين.. يبقا فيه قضايا بعينها لهذا النقاش.
أكد الرئيس: "أتصور اذا كنا بالحوار الوطني إنه يعيد تشكيل وصياغة وتجميع الراى العام في مصر يبقا كل واحد من دول ياخد حقه"، نفس الكلام للإعلام وكأنك انت زي الفل يعني؟ .. انتوا زي الفل يا أستاذ عماد الدين حسين؟.
تابع الرئيس: "كل مؤسسات الدولة تحتاج النقاش بمنتهي الشفافية والاطمئنان والقبول، واذا كنتم بتتكلموا عن حرية حقيقية وانفتاح حقيقي ، ولما تيجي تهاجمني يا أستاذ عماد مش هزعل منك، لأنك بتقول وجهة نظرك، وأنا أدافع عن نفسى ولو اقتنعتش طيب هعمل ايه؟.
وجه الرئيس حديثه للدكتور ضياء رشوان المنسق العام للحوار الوطنى نقيب الصحفيين، قائلا: "يا دكتور ضياء حطلنا كل الملفات واطرحوها ونتكلم فيها.. هياخدلها أسبوعين تلاتة كمان شهر لأ باس.. نتكلم ونسمع بعضنا البعض".
وكلف الرئيس عبد الفتاح السيسي جهاز المشروعات الصغيرة والمتوسطة بتكثيف جهود تشغيل الأسر الأكثر احتياجا فى مشروعات متناهية الصغر، تساعدهم على تحسين دخولهم.
وأضاف الرئيس السيسي في كلمته بالجلسة الختامية للمؤتمر الاقتصادي – مصر 2022: "قلنا نعمل مدينة الأثاث في دمياط، علشان ننقل صناعة الأثاث في مصر لمنطقة تانية ويبقى فيه عمل مؤسسي وفيه دعم من الدولة له ويقدر ينجح ويدخل في مستوى تاني غير الذى نسير فيه منذ سنوات طويلة، وفيه مدن كتير جدا بتشتغل وعندها قواعد صناعية في الدلتا والصعيد بتنتج أثاث، ولكن مش قادرين نعمل مواصفة تبقى منافسة وتكلفتها أقل، وعملنا مدينة الأثاث كمسار، وعملنا الهناجر وكل حاجة طبقا للي إحنا متصورين إنه ممكن ينجح، وهل أهلنا في دمياط أقبلوا على ذلك.. لأ.. طيب ليه؟ لأن دراسة الموضوع والبيئة بتقول إن الراجل اللى قاعد فى البيت بينزل يشتغل فى الورشة تحت، وبيطلب الشاى والغدا وبينزله، ولو تعبان شوية يطلع ينام، لذلك عناصر أخرى فقدت في الدراسة بالمشروع".
وتابع الرئيس السيسي: "أنا بقعد مع ناس كتير بغرض الشغل، وقابلت حد من المطورين قالى عايزين نعمل تمويل عقارى منخفض التكلفة، قلتله طيب، التمويل العقارى للبنك من 8 – 10% ولو جيت النهاردة عملت تسهيل عقارى لمليون وحدة سكنية بـ5%، المليون وحدة هيتكلفوا قد إيه، وتمويلهم قد إيه، وتكلفة الفرق بين التكلفة الحقيقية للتمويل وبين ما سأوفره للناس، مين هيدفعه؟ قالي وزارة المالية، قلتله ما أقدرش أعمل ده، لكن علشان أخلي سوق العقار في مصر أكبر من كده لازم أفكار أخرى تطرح وتكون قابلة للتنفيذ".
تم أضافة تعليقك سوف يظهر بعد المراجعة