طرح كل من المطرب محمد قماح ويسرا الجندى أغنية جديدة تحمل اسم "حب مش هيدق قلبي"، من كلمات وألحان وتوزيع قماح وميكس وماستر خالد رؤوف .
وتقول كلمات الأغنية :
حب مش هيدق قلبي
توء نوء يحب قلبك
خدني اعيش في عيشة احلى
هتلي فيلا ولا شقة
عايزة اعيش في Elparadise
وكل حاجة تبقى nice
انا عارفة ان انت حد كويس
فمتقوليش على حاجة لا
بيبي don't worry
اطلبي اللى انتى عايزاه اومري
انا مجنون اسالي دكتوري
يعني ممكن نطلع فوق جبال ناخد story
تعالى نجنن اديني رنه
نقفل الموبيل ونتهنا
شواطىء جبال ونعيش حياتنا
نبني عيله نبني صحبه نبنى شله نبنى لمه
انتى احلى واحده
انتى انتى جامدة
سحلاني سحله
بكره هجيب الشبكة
وجبال هتجيب الشقة
كله حاجه جاهزة كل حاجة سهله
وحل الفنان محمد قماح ضيفا على تليفزيون اليوم السابع، وتحدث عن أغنيته الجديدة مع النجم اللبناني جاد شويرى "موج"، وعن أعماله الفنية القادمة مع عدد من نجوم الفن، وعن أزمة أغنية الفنان فارس الجديدة واتهامه بسرقة اللحن.
وقال محمد قماح: "أغنية موج فكرتها أنها تتماشى مع أجواء الصيف، وتكون بشكل جديد، وأنا بشتغل مع جاد شويرى في كذا حاجة وألبومه الجديد، وأما سمع تراك الأغنية عجبته جدا وكتبنا الكلام سوا، وطلعت بالشكل اللى عاوزينه، وعامل اتحاد شراكة مع جاد وهنعمل أكتر من حاجة سوا، وبناخد رأى بعض، وهو مبتكر وبيفهم في كل حاجة والمزيكا، وبنطلع بأفكار جامدة".
وأضاف محمد قماح: "الناس افتكرت إنى سارق لحن أغنية فارس الجديدة وهو اللحن بتاعى أصلا وكان الأول لفارس، وحصلت مشكلة واتأجلت الأغنية، وبعد كدة خدها مطرب اسمه مصري، ولسوء الظروف منجحتش مع مصري ومجبتش المشاهدات اللى أنا متوقعها، وفارس رجع كلمنى عاوز اللحن تانى قلتله اتباع، وكان عارف القصة ونزلنا الأغنية ومغلطتش لأنه حقى، وفى نفس الوقت كلمت مصري قولتله حابب أعملك تراك تانى هو مردش عليا، وعمل مشكلة ووقفها ورجعت الأغنية تانى، وفى أكتر من أغنية جديدة بعملها مع فارس، وإن شاء الله الناس تنبسط من توليفه الأغانى اللى بنعملها، وفى عدد من الأغانى الجديدة مع حمادة هلال وساندى".
